|
|
|
پاکستانی سلیبریٹیز میں آج کل جانور خاص طور پر کتے اور بلیاں پالنے کا
جنون کچھ زیادہ ہی بڑھتا جارہا ہے اور ساتھ ہی وہ اکثر سوشل میڈیا پر اپنے
لاڈلوں کے ساتھ تصاویر اور ویڈیوز شیئر کرتے نظر آتے ہیں۔۔۔
مہوش حیات
مہوش حیات اکثر اپنے پالتو کتوں کے ساتھ تصاویر ڈالتی رہتی ہیں اور خود کو
ان کا بہت بڑا فین بھی مانتی ہیں۔۔۔ایک بار تو انہوں نے اپنے بچپن کی تصویر
بھی شیئر کی دو کتوں کے ساتھ اور ساتھ ہی حالیہ تصویر ۔۔۔اور یہ بھی لکھا
کہ ایک بار جو کتوں سے محبت کرلے تو پھر ہمیشہ انہیں رکھنا چاہتا ہے۔۔۔مہوش
کے تینوں کتے بہت مہنگے اور اعلیٰ نسل کے ہیں اور وہ ان کے ہیلو وین یا
مختلف تقاریب کے لئے باقاعدہ شاپنگ کرتی ہیں۔۔۔
|
|
|
|
شہریار منور
اداکار شہریار منور کے پاس کافی سال سے ایک بھورے رنگ کی بلی ہے جس سے وہ
عشق کرتے ہیں اور جب وہ چھوٹی سی تھی جب بھی اس کی تصاویر ڈالتے تھے اور
کچھ عرصے پہلے بھی ایک تصویر ڈالی جس میں انہوں نے لکھا کہ ـ’’ شیفو کو بہت
شدید ڈپریشن ہے علیحدگی کا‘‘۔۔۔یعنی ان کی پیاری سی بلی کا نام ہے شیفو اور
وہ اس کی خوشی اور غم کو دل سے محسوس کرتے ہیں۔۔۔وہ اپنی بلی کے کافی نخرے
اٹھاتے ہیں ۔۔۔
|
|
|
|
مایا علی
اداکارہ مایا علی اس سے پہلے بھی اپنے پالتو کتوں کے ساتھ تصاویر شیئر کر
چکی ہیں لیکن کچھ دن قبل انہوں نے انتہائی حسین کتے کے ساتھ تصویر شیئر
کی۔۔۔وہ کتا ہے ہسکی نسل کا اور اس کے ساتھ کھڑی مایا علی کی آنکھوں میں اس
کے لئے محبت کی چمک واضع دیکھی جا سکتی ہے۔۔۔یہ کتا رکھنا اتنا آسان نہیں
کیونکہ یہ برفانی علاقوں کا کتا ہے اور انہیں کافی گرمی لگتی ہے۔۔۔انہیں
گارڈن یا ٹھنڈی جگہوں پر رکھا جاتا ہے اور اس کی قیمت بھی اچھی خاصی ہوتی
ہے۔۔۔
|
|
|
|
اشنا شاہ
اشنا شاہ تو کتوں کے لئے دیوانی ہیں اور ان کے پاس بہترین نسل کا بل ڈاگ
ہے۔۔۔جس کی قیمت بھی زیادہ ہوتی ہے اور اسے پالنا بھی کچھ آسان نہیں۔۔۔وہ
اس کا اپنے بچوں کی طرح خیال رکھتی ہیں اور جانوروں کے لئے وہ اتنی حساس
ہیں کہ کئی لڑائیاں مول لے چکی ہیں۔۔یوں تو اس کے علاوہ بھی ان کے پاس کئی
نسل کے کتے ہیں اوروہ اکثر ان کی تصاویر شیئر کرتی ہیں۔۔۔وہ نا صرف ان کی
تفریح کا خیال رکھتی ہیں بلکہ ان کے ساتھ کھیلنے کے لئے وقت بھی نکالتی ہیں-
|
|
|
|
انوشے اشرف
انوشے اشرف نے بہت چھوٹا سا ایک کتا پالا تھا ’’پکسی‘‘ اور وہ اس کی محبت
میں شدید دیوانی ہیں۔۔۔آج سے قریب ڈیڑھ سال قبل ان کا کتا کھوگیا تھا اور
وہ انتہائی تکلیف میں بھی رہیں۔۔۔انہوں نے سوشل میڈیا پر پکسی کو ڈھونڈنے
پر اچھا بڑا انعام بھی رکھا تھا اور وہ اور ان کی فیملی کافی پریشان رہے۔۔۔
|
|
|