|
|
|
گزشتہ روز پاکستان کی سب سے بڑی اور مقبول آن لائن ویب سائٹ کی جانب سے
قائم کردہ ہماری ویب رائٹرز کلب کے زیر ِ اہتمام کراچی کے فاران کلب میں “
شامِ آگہی “ کے نام سے ایک خوبصورت تقریب کا انعقاد کیا گیا ۔
ہماری ویب کی جانب سے یہ تقریب معروف مصنف، کالم نگار پروفیسر ڈاکٹر رئیس
احمد صمدانی صاحب کی علمی و ادبی خدمات کے اعتراف کے طور پر ان کے اعزاز
میں کئی گئی-
|
|
|
|
اس تقریب میں مختلف کالم نگاروں نے معروف مصنف، کالم نگار پروفیسر ڈاکٹر
رئیس احمد صمدانی صاحب کی علمی و ادبی زندگی پر روشنی ڈالی اور انہیں ادب
کی دنیا کی قابلِ قدر اور قابلِ تقلید شخصیت قرار دیا۔
تقریب کا آغاز تلاوت کلام پاک سے کیا گیا اور تلاوت کی سعادت ڈاکٹر ظہور
احمد دانش کو حاصل ہوئی۔ نظامت کے فرائض عطا محمد تبسم اور ارشد قریشی نے
انجام دیے۔ تقریب کی مہمانِ خصوصی معروف افسانہ نگار محترمہ ڈاکٹر تنویر
انور خان صاحبہ نے ڈاکٹر صمدانی صاحب کی علمی و ادبی سفر پر سیر حاصل گفتگو
کی ۔
|
|
|
|
اس موقع پر آسڑیلیا میں مقیم ادبی شخصیت محترم افضل رضوی صاحب کا ڈاکٹر
صمدانی صاحب کے اعزاز میں ارسال کردہ مضمون ارشد قریشی نے پڑھ کر سنایا۔ جن
شخصیات نے پروفیسر ڈاکٹر رئیس احمد صمدانی صاحب کی علمی و ادبی زندگی پر
روشنی ڈالی ان میں عطا محمد تبسم ، پروفیسر ڈاکٹر شبیر خورشید، محترمہ ثناء
غوری، سلیم اللہ شیخ،اعظم عظیم اعظم ، شیخ خالد زاہد اور ارشد قریشی شامل
تھے۔
|
|
|
تقریب سے اظہار خیال کرتے ہوئے پروفیسر ڈاکٹر رئیس احمد صمدانی نے کہا علم
کے حصول کے لیے عمر کی کوئی قید نہیں ۔ اگر وقت ہے تو ایم فل اور پی ایچ ڈی
کا ضرور سوچیں۔ انہوں نے تمام شرکاء گفتگو کا شکریہ ادا کیا کہ ان کے اعزاز
میں ایک خوبصورت شام کا انعقاد کیا گیا۔
|
|
|
|
تقریب میں ہماری ویب کی جانب سے خواجہ مصدق رفیق اور فراز بیگ صاحب نے
ڈاکٹر رئیس احمد صمدانی صاحب کو یادگار شیلڈ اور پھول پیش کیے۔ تقریب کے
اختتام پر شرکاء محفل کو عشائیہ دیا گیا۔
|
|
|