|
|
|
ہم اسٹائل ایوارڈ2020 کی تقریب کے لیے شوبز سے جڑی ہستیوں کی تیاریاں
مہینوں سے جاری تھیں-خوب سے خوب تر نظر آںے کی خواہش میں انہوں نے خطیر رقم
خرچ کی اور اس میں کوئی شک نہیں کہ بعض اداکار اس موقع پر بہت حسین لگے-
مگر ان تمام افراد میں کچھ لوگ ایسے بھی تھے جن کو دیکھ کر لوگوں کو سخت
صدمہ پہنچا اور وہ اپنے پسندیدہ اداکاروں سے اتنے برے حلیے کی امید نہیں
رکھتے تھے ان ہی کچھ اداکاروں کے بارے میں ہم آپ کو بتائيں گے-
ثنا فخر
ثنا فخر کا شمار ان اداکاراؤں میں ہوتا ہے جو اپنے لک اور اپنی فٹنس کو بہت
سنجیدگی سے لیتی ہیں- مگر اس تقریب میں بہت چھوٹے کرل والے بالوں کے ساتھ
براؤن میک اپ کیے ان کا لباس بھی ان کے میک اپ ہی کی طرح تھا- جس میں ان کی
لیگنگ ان کے لباس سے میچ نہیں کر رہی تھی اور ہیل بھی اس لباس کے حوالے سے
سوٹ نہیں کر رہی تھی- اس کے ساتھ برانڈڈ پرس جو کہ لباس سے بالکل ہٹ کر ایک
علیحدہ رنگ کا تھا ثنا کے امیج کو مزید خراب کر رہا تھا-
|
|
|
|
مومنہ مستحسن
مومنہ کو اس بار یہ تسلیم کر لینا چاہیے کہ لال رنگ ان کے لیے نہیں ہے- مگر
اس کے باوجود مومنہ بار بار لال رنگ پہنتی ہیں یا پھر اپنے بالوں کو اس رنگ
میں رنگ لیتی ہیں- اس بار مومنہ نے اپنے لال بالوں کا رنگ تو تبدیل کر دیا
مگر لال رنگ کی کمی اپنی لباس کی صورت میں پوری کر دی- اس تقریب میں مومنہ
نے جو سلک کا سرخ گاؤن پہنا تھا ایک جانب تو وہ بہت ڈھیلا ڈھالا تھا اس کے
بعد اس کے کاندھوں پر لگے موتی بہت ہی اضافی لگ رہے تھے- اس کے بعد ان کے
بال اور میک اپ ان کے لباس کے ساتھ بالکل ہی میچ نہیں کر رہے تھے-
|
|
|
|
ایشل فیاض
ایشل فیاض کو بطور ماڈل اس بات کا بہت اچھی طرح اندازہ ہونا چاہیے کہ لوگ
ان سے بہترین اسٹائل اور لباس کی امید رکھتے ہیں- مگر ہم اسٹائل ایوارڈ کی
اس تقریب میں ایشل لوگوں کو کسی بھی طرح متاثر کرنے میں کامیاب نہ ہو سکیں
۔ وہ سیاہ لباس میں ملبوس نظر آئیں جس کے اوپر سرخ ایمبرائیڈری والا پانچو
پہنی ہوئی تھیں جو کہ بہت ہی پرانا لگ رہا تھا-
|
|
|
|
عاصم اظہر
عاصم اظہر کو ان کے انداز کی وجہ سے عوام کی محبتیں ہمیشہ ملتی ہیں مگر اس
تقریب میں چیتے کے چہرے کے ڈیزائن والا کوٹ پہننے کا انتخاب انہوں نے کس کے
مشورے پر کیا یہ بات سمجھ سے بالاتر ہے۔اس کے بعد ہلکے رنگ کی قمیض اور
ٹراؤزر بھی ایک غلط فیصلہ تھا ، ٹائیگر کے چہرے والا ڈیزائن پہننے کا فیصلہ
اس بار عاصم اظہر کو لے ڈوبا-
|
|
|
|
آمنہ شیخ
چینی شنگھائی نامی کپڑے کا بنا ہوا یہ گاؤن چیںی تہذیب سے متاثر نظر آیا
مگر اس کے ساتھ جدیدیت کا رنگ لیے ہوئے بھی تھا- اس لباس کا خوبصورت گلابی
رنگ آمنہ شیخ کی شخصیت کے ساتھ بہت سوٹ کر رہا تھا مگر اس کا اسٹائل
خوبصورت نہ تھا اس کے ساتھ ساتھ ان کا ہیر اسٹائل بھی ان کی شخصیت کو سوٹ
نہیں کر رہا تھا- ان کا میک اپ بھی بہت گلیمرس نہ تھا محتصراً ہم کہہ سکتے
ہیں کہ یہ دن آمنہ شیخ کا نہ تھا-
|
|
|
|
میرا جی
میرا جی کو دیکھ کر محسوس ہوا کہ وہ مشرق وسطیٰ میں چھٹیاں گزارنے جا رہی ہیں-
اس لیے انہوں نے وہاں کا مخصوص لباس کافتان خرید لیا اور اس تقریب کے لیے جب
کچھ اور پہننے کو نہ ملا تو انہوں نے سادہ سا وہی کافتان پہن لیا جو اس رات کے
حوالے سے کسی بھی صورت مناسب نہ تھا اور بہت سادہ تھا اور ان کی شخصیت سے بھی
میچ نہ کر رہا تھا-
|
|
|