اپنی پہلی بیٹی کو جب گود میں لیا تو اتنا رویا کہ لوگ حیرت کرنے لگ گئے۔۔۔شوبز کے جذباتی پاپا


پاکستانی شوبز انڈسٹری میں ایسے کئی پاپا ہیں جو اپنے بچوں کو لے کر کافی جذباتی ہیں۔۔۔ان کی محبت میں وہ اپنے سارے کام چھوڑ سکتے ہیں اور کوشش کرتے ہیں کہ ان کے سارے کام اپنے ہاتھ سے کریں، بچوں کے معاملے میں ماؤں سے ایک قدم آگے ہی رہنا چاہتے ہیں۔۔۔

علی عظمت
بظاہر لاابالی اور سخت دکھنے والے علی عظمت اپنی بیٹیوں کے لئے ایک انتہائی شفیق اور محبت کرنے والے باپ ہیں۔۔۔ان کا کہنا ہے کہ جب ان کی پہلی بیٹی ان کی گود میں آئی تو وہ زار و قطار رونے لگے اور اتنا روئے کہ سب حیران ہوکر کہنے لگے کہ اتنا بہادر اور بھاری انسان اتنا کمزور ہے۔۔۔علی عظمت کا کہنا ہے کہ میں نے سوچا کہ بیالیس سال میں پہلی بیٹی، بیٹی اتنی پیاری چیز ہے کہ بتیس سال میں شادی کرلیتا تو اور جلدی آجاتی۔۔۔وہ اپنی بچیوں کے ڈائپر چینج کرنے سے لے کر انہیں کھلانے پلانے تک سارے کام خود کرتے ہیں۔۔۔حد تو یہ ہے کہ ان کی بیٹیاں انہیں بابا آپی کہہ کر بلاتی ہیں۔۔۔ان کی بیگم فریحہ کا کہنا ہے کہ علی عظمت کی سب سے اچھی بات یہ ہے کہ وہ دیوانہ وار اپنی بیٹیوں سے عشق کرتے ہیں۔۔۔کسی کنسرٹ میں بھی اگر بچیاں پیچھے نظر آجائیں تو آوازیں دینے لگتے ہیں اسٹیج پر۔۔۔کہ مجھے دے دو گود میں۔۔۔عموماً مائیں بچوں کو روکتی ہیں کہ چپس یا چاکلیٹ نا کھاؤ، لیکن ان کے معاملے میں الٹ ہے ۔۔۔یہاں علی اپنی بیگم کو ڈانٹتے ہیں کہ گھر میں یہ چیزیں کھاؤ ہی نہیں جسے پھر بچیاں کھانا چاہیں اور یہ چیز ان کی صحت کے لئے صحیح نہیں۔۔۔ان کی بیٹیوں کے نام ہی ایلا عظمت اور میا عظمت


نعمان حبیب
فلم میں ہوں شاہد آفریدی اور کئی مشہور ڈراموں میں اپنی اداکاری کا جادو دکھانے والے نعمان حبیب اپنی ننھی سی بیٹی کے دیوانے ہیں اور ان کے کام خود اپنے ہاتھ سے کرنا پسند کرتے ہیں۔۔۔نعمان حبیب کی بیٹی عائشہ ابھی ڈیڑھ سال کی ہیں لیکن اپنے ابا کے ساتھ ہر وقت گانے اور اداکاری میں محو رہتی ہیں۔۔۔ابھی کسی کمرشل میں بھی انہیں کام مل گیا ہے اور حال ہی میں نعمان نے مشہور ڈرامہ مرے پاس تم ہو کے ٹائٹل سانگ پر اپنی بیٹی کے ساتھ ایک ویڈیو لگائی جس میں وہ باقاعدہ ہاتھ ہلا ہلا کر انہیں کاپی کر رہی ہیں۔۔۔نعمان اپنی ننھی شہزادی کے آنے کے بعد اب صرف اسی کے خیالوں میں گم رہتے ہیں۔۔


فہد مصطفیٰ
بلا کے مصروف ہونے کے باوجود بھی فہد مصطفیٰ اپنے بچوں کی خوشیوں کو منانے سے لے کر ان کا خیال رکھنے تک میں ہمیشہ آگے آگے رہتے ہیں۔۔۔اپنی بیٹی فاطمہ کو تو اکثر سیٹ پر ساتھ ہی رکھتے ہیں خاص طور پر رمضان کے شوز میں تاکہ وہ زیادہ سے زیادہ اپنے بچوں کے قریب رہ سکیں۔۔۔ان کا ماننا ہے کہ بیٹی ان سے کافی قریب ہے اور اپنے بیٹے کے ساتھ وہ ایسے کھیلتے ہیں جیسے کوئی چھوٹا بچہ۔۔۔


فہد مرزا
ثروت گیلانی اور فہد مرزا دونوں ہی اپنے بیٹوں کو لے کر خاصے حساس ہیں لیکن فہد مرزا اس معاملے میں تھوڑا سا آگے ہیں۔۔۔وہ دونوں بیٹوں کے ساتھ ایسے کھیلتے ہیں کہ پھر لوگوں کو انہیں روکنا پڑتا ہے۔۔۔کافی عرصے تک تو انہوں نے سوشل میڈیا سے اپنے بچوں کو دور ہی رکھا تاکہ ان کے بارے میں کوئی بات بھی نا ہو اور انہیں نظر بھی نا لگے۔۔۔فہد بچوں کو دودھ پلانے سے لے کر سلانے تک سارے کام کر لیتے ہیں لیکن ان کا ماننا ہے کہ لوگوں کو ایسا لگتا ہے کہ وہ یہ نہیں کر پائیں گے جبکہ وہ کافی اچھے سے کرتے ہیں۔۔۔اور ان کا کہنا ہے کہ بچے میرے ساتھ زیادہ خوش رہتے ہیں

Rate it:
Share Comments Post Comments
Total Views: 6765 Print Article Print
 Previous
NEXT 

YOU MAY ALSO LIKE:

Most Viewed (Last 30 Days | All Time)

Comments

آپ کی رائے
nice story please keep it up
By: Mr liaquat , lahore on Jan, 27 2020
Reply Reply
0 Like
Language: