میں نے حسن جہاں کا کردار ادا نہیں کیا بلکہ ۔۔۔۔۔۔۔۔ اداکارہ کبریٰ خان نے ڈرامہ الف میں اپنے کردار کے بارے میں حیرت انگیز دعویٰ کر دیا

اداکارہ کبریٰ خان جن کا اصل نام رابعہ خان ہے اور جو کہ برٹش شہریت کی حامل اداکارہ ہیں سولہ جون 1993 کو ملتان میں پیدا ہوئیں- انہوں نے اپنے کیرئیر کا آغاز بطور ماڈل کیا اس کے ساتھ ساتھ انہوں نے بالی ووڈ کی فلم میں بھی کام کیا ہے- مگر پاکستان میں ان کے شوبز کیرئير کا آغاز نامعلوم افراد نامی فلم سے ہوا جس نے بہت شہرت حاصل کی-

اس کے بعد ان کے ایکٹنگ کیرئیر کے کامیاب سفر کا آغاز ہوا جس میں بڑی اسکرین کی کامیاب فلموں کے ساتھ ساتھ سنگ مرمر ، الف اللہ اور انسان اور اس کے بعد الف جیسے کامیاب ترین ڈراموں میں بھی اپنی ادکاری کے جوہر دکھائے-

ڈرامہ الف میں کام کرنے کے بعد سے کبریٰ خان کے حوالے سے یہ خبریں بھی گردش کرنے لگیں کہ حمزہ علی عباسی کی طرح ڈرامہ الف میں اپنے کردار حسن جہاں سے متاثر ہو کر وہ شوبز چھوڑ رہی ہیں مگر کبریٰ خان نے اس بات کی تردید کی کہ وہ شو بز کو نہیں چھوڑ رہی ہیں- مگر اس کے ساتھ ساتھ انہوں نے اس بات کا بھی اعتراف کیا کہ حسن جہاں کے کردار نے ان کی زندگی کو یکسر تبدیل کر دیا ہے-
 

انہوں نے اس ڈرامے میں حسن جہاں کا کردار ادا نہیں کیا ہے بلکہ وہ اس کردار میں جی ہیں یہ ان کی زندگی کا یادگار ترین کردار ادا ہے- اس کردار کے ادا کرنے کے بعد انہوں نے اس چیز کو سمجھا ہے کہ وہ اس دنیا میں حاصل کیے گئے ایوارڈ اور شہرت لے کر نہیں جائیں گی بلکہ وہ اللہ کے سامنے جب مرنے کے بعد پیش ہونا چاہتی ہیں تو اپنے اچھے اعمال کے ساتھ پیش ہونا چاہتی ہیں-

فلموں میں آئٹم سانگ کرنے کے حوالے سے بھی ان کا اب یہ کہنا ہے کہ وہ نہیں چاہتی ہیں کہ فلموں میں اس طرح کے گانے یا ڈانس نہیں ہونے چاہیے ہیں جو کہ صرف اور صرف ڈانس کے لیے ہوں اور جن کا تعلق فلم کی کہانی سے نہ ہو-
 

کبریٰ خان کا اپنے بارے میں یہ بھی کہنا ہے کہ وہ بہت زیادہ لوگوں سے ملنا چلنا پسند نہیں کرتی ہیں اس کے علاوہ ان کا یہ بھی ماننا ہے کہ شوبز میں ہونے کے سبب ان کو لوگوں سے ملنا پڑتا ہے جس کی وجہ سے کسی حد تک سوشل بھی ہو جاتی ہیں مگر ان کو تنہائی زیادہ پسند ہے-