میڈیا میں آنے سے پہلے بھی ہواؤں میں ہی اڑتی تھیں۔۔۔شوبز خواتین جو ایئر لائن سے وابستہ رہیں

انڈسٹری میں ایسی کئی خواتین ہیں جو یا تو کسی نا کسی فیلڈ سے وابستہ رہیں اور اس کے بعد میڈیا جوائن کیا یا پھر اسی فیلڈ کے ساتھ رہتے ہوئے میڈیا انڈسٹری میں قدم رکھا۔۔۔شوبز کے ایسے کئی ستارے ہیں جو ایئر لائن کی فیلڈ سے وابستہ رہیں اور کچھ آج تک ہیں-

شگفتہ اعجاز
پاکستان کی نامور اداکارہ شگفتہ اعجاز آج ٹیلی ویژن میں تو اپنا نام منوا ہی رہی ہیں لیکن ساتھ ہی ان کا ایک بیوٹی پارلر بھی ہے جہاں ان کی چاروں بیٹیاں ان کا ساتھ دیتی ہیں ۔۔۔لیکن شوبز میں آنے سے پہلے بھی شگفتہ اعجاز ایک ایئر لائن سے وابستہ رہیں۔۔۔یعنی بہت کم عمری میں ہی انہوں نے ایئر لائن جوائن کرلی تھی اور اس دوران اٹھارہ سال کی عمر میں انہوں نے پہلا ڈرامہ کیا اور پھر آگے بڑھتی چلی گئیں۔۔۔

مشی خان
پاکستانی ڈرامہ عروسہ سے دلوں میں جگہ بنانے والی مشی خان نے 2000 میں Emirates airlines میں فلائٹ اٹینڈینٹ کے طور پر بھی نوکری کی ہے اور یہ سفر کوئی پانچ سالوں پر محیط رہا۔۔۔وہ اس کے بعد بھی ڈراموں میں آئیں اور مارننگ شو کی میزبانی بھی شروع کردی-

شاہین خان
پاکستانی ڈرامہ میں ماں کا کردار ادا اکرنے والی انتہائی اچھی اداکارہ شاہین خان کے بارے میں بھی بہت کم لوگ جانتے ہیں کہ وہ سعودی ایئرلائنز میں ایئر ہوسٹس کے فرائض بھی انجام دیتی رہی ہیں۔۔۔لیکن اب وہ مکمل طور پر میڈیا سے ہی وابستہ ہیں۔۔۔

ہما خواجہ
گلوکارہ ہما خواجہ یوں تو دبئی میں ہی مقیم ہیں اور ہر کچھ عرصہ بعد وہ میوزک کے حوالے سے سامنے آہی جاتی ہیں۔۔۔ہما خواجہ عرصہ دراز سے کیبن کریو میں شامل ہیں ۔۔۔اور ایئر لائن کے شعبے میں رہتے ہوئے وہ شوز اور دیگر مصروفیات کو ساتھ رکھتی ہیں