|
|
|
ڈرامہ اچھا خاصا چل رہا ہوتا ہے کہ اس میں کوئی ایک کردار ایسا بن جاتا ہے
جسے برداشت کرنا ناممکن ہوجاتا ہے۔۔۔پچھلے کچھ عرصے میں حد سے زیادہ پسند
کئے جانے والے ڈراموں میں بھی ایسے کئی کردار ہیں جنہیں لوگوں نے صرف اس
لئے برداشت کیا کیونکہ ڈرامہ دیکھنا تھا۔۔۔اور کچھ کو برداشت کئے بغیر
ڈرامہ بیچ میں ہی چھوڑدیا
میں نا جانوں کی سائرہ
صنم جنگ کو لوگ بہت چاہتے ہیں لیکن ان کے حالیہ ڈرامے ’’میں نا جانوں‘‘ میں
ان کے کردار کی خوامخواہ بنائی جانے والی بیچاری صورت کو لوگوں نے برداشت
کرنے سے انکار کردیا ہے۔۔یوں تو ڈرامہ بھی اپنی مقبولیت کا گراف عرصہ ہوا
کھو چکا ہے اور کہانی بھی ایسا لگتا ہے کہ بڑھ نہیں رہی بلکہ گھسیٹی جا رہی
ہے۔۔بے شک صنم جنگ ایک پائے کی اداکارہ ہیں اور انہوں نے ہمیشہ کلاس ڈرامے
کئے ہیں ۔۔۔ان سے جڑا کوئی بھی ایسا ڈرامہ لوگ نہیں برداشت کر پارہے جس کی
اپنی مقبولیت ختم ہوچکی ہے۔۔۔شاید اس ڈرامہ کو چننا ان کی بہت بڑی غلطی تھی-
|
|
|
|
عہد وفا کا شازین
عثمان خالد بٹ ایک بہت ہی کامیاب اداکار ہیں لیکن کبھی کبھی انسان اداکاری
کرتے ہوئے یہ بھول جاتا ہے کہ وہ برداشت کی سرحد سے باہر نکل گیا ہے۔۔۔سب
سے پہلے تو عثمان خالد بٹ دوستوں کے گروپ میں سب سے بڑی عمر کے لگ رہے تھے
اور دوسری طرف ان کی اداکاری میں ایکسپریشنز کی یا تو بہت زیادتی نظر آئی
یا پھر شدید کمی۔۔۔شاید وہ اس کردار کو لے کر کافی کنفیوز ہوگئے-
|
|
|
|
میرے پاس تم ہو کی مس ہانیہ
حرا مانی نے پاکستان کے سب سے زیادہ ریٹنگ حاصل کرنے والے ڈرامے میں جو
کردار نبھایا وہ انتہائی بچکانہ تھا۔۔۔پہلے سین میں ہی ان کی شخصیت میں
جھول نظر آنے لگا۔۔۔ان کا حلیہ اور ان کے بولنے کا انداز دونوں ہی اس کردار
کی نفی کرتے نظر آئے۔۔۔وہ ایک استاد بنی تھیں لیکن حساسیت سے زیادہ ان کے
کردار میں فلرٹ نمایاں تھا۔۔۔اور وہ تعلیم سے زیادہ ایک بچے کے ماں باپ سے
متعلق زیادہ تشویش میں نظر آئیں۔۔۔ان کا کردار کافی سوالیہ نشان بنا اور وہ
اسے بہت بہتر نبھا سکتی تھیں لیکن ناکام رہیں-
|
|
|
|
میرا دل میرا دشمن کی چچی
پروین چچی کا کردار نبھانے والی یہ خاتون اس ڈرامہ میں تمام تر کوششوں کے
باوجود کسی بھارتی ڈرامہ کی کمولیکا ہی لگ رہی ہیں۔۔۔ان کی اداکاری میں
اتنی زیادہ بناوٹ ہے کہ لوگوں کو ڈرامہ سے ہی چڑ ہونے لگی ہے۔۔۔ان کی اپنی
بیٹی جو اس ڈرامہ میں ضدی بنی ہے بہت اچھی اداکاری کرتی نظر آئی لیکن بد
قسمتی سے وہ اس کی اداکاری پر بھی اپنی اوور ایکٹنگ سے وار کردیتی ہیں-
|
|
|