بڑے بھیا۔۔۔پاکستانی سلیبریٹیز کے بڑے بھیا جو ان کی زندگی کا اہم حصہ ہیں

کہتے ہیں کہ دنیا کی بڑی سے بڑی طاقت بھی کمزور پڑجاتی ہے جب ساتھ کھڑا ہو بڑا بھائی۔۔۔اور یہ بھائی ہی ہوتے ہیں جو اپنے چھوٹے بہن بھائیوں کے لئے چٹان کی طرح محافظ بن جاتے ہیں اور ان کے بل پر چھوٹے آگے بڑھ جاتے ہیں۔۔۔

مومل شیخ اور ان کے بڑے بھیا شہزاد شیخ

جاوید شیخ کی پیاری سی بیٹی مومل شیخ ہیں اپنے بڑے بھیا شہزاد شیخ کی دیوانی۔۔۔ایک بار انہوں نے شہزاد کی سالگرہ پر اپنی اور ان کی ایک تصویر شیئر کرکے لکھا کہ شکریہ ہمیشہ میرا ساتھ دینے کے لئے ۔۔۔تم نے ہمیشہ میری ہر مقام پر مدد کی چاہے وہ چلنا ہو، سائکل چلانا ہو یا ریسلنگ کرنا ہو۔۔۔میں جب بھی اداس ہوئی تو تم نے مجھے ٹائٹ کرکے تھاما اور کہا کہ سب ٹھیک ہوجائے گا۔۔تم نے مجھے سوئمنگ اور گاڑی چلانا سکھایا اورا س کے بدلے تم مجھ سے سو روپے لیتے تھے۔۔۔تم ہمیشہ میرے ساتھ چٹان کی طرح کھڑے رہے اور میری زندگی کے مشکل ترین فیصلوں میں نا صرف میرا ساتھ دیا بلکہ میری راہنمائی بھی کی۔۔۔صرف یہ بتانا ہے کہ میں بھی ہمیشہ اور ہر وقت تمہارے ساتھ ہوں۔۔۔ان کی محبت کے اس اظہار ہر یقین ہوگیا کہ شہزاد ایک بہترین بڑے بھیا ہیں

شائستہ لودھی اور ان کے بڑے بھیا ساحر لودھی

یہ تو سچ ہے کہ انڈسٹری میں سب سے پہلے قدم رکھا شائستہ لودھی نے اور پھر اس کے بعد ساحر لودھی بھی اسی فیلڈ میں آگئے اور چھاگئے۔۔۔لیکن ان دونوں بہن بھائیوں کی محبت بھی بہت ہی نرالی ہے۔۔۔شائستہ آج بھی اپنے بڑے بھیا کی ہر بات ماننے کی کوشش کرتی ہیں اور ہفتے میں ایک دن سارا خاندان اکھٹا کرنا ان دونوں بہن بھائیوں کی ذمہ داری ہوتی ہے۔۔۔یوں تو ساحر لودھی ایک بہترین انسان ہیں ہی لیکن وہ بڑے بھیا کے روپ میں بہت ہی پیارے ہیں، شائستہ لودھی ان سے اپنے بچوں کی زندگی کے مشکل فیصلوں کو بھی ڈسکس کرتی ہیں اور وہ اپنے مشوروں سے چھوٹی بہن کو ذہنی سکون دے دیتے ہیں۔۔۔

آغا علی کے بڑے بھیا علی سکندر

یہ تو سب ہی جانتے ہیں کہ آغا علی جب بہت چھوٹے تھے تو ان کے والد آغا سکندر اس دنیا سے چلے گئے اور وہ اپنے نانا کے گھر شفٹ ہوگئے ماں اور بہن بھائی کے ساتھ۔۔۔لیکن ان کے اس کڑے وقت میں بھی کام آتے تھے ان کے بڑے بھیا علی سکندر۔۔۔حالانکہ والد کی وفات کے وقت تو علی بھی زیادہ بڑے نہیں تھے۔۔۔علی سکندر اپنے چھوٹے بھائی کو اس قدر سپورٹ کرتے ہیں کہ اپنی زندگی سے زیادہ انہیں چھوٹے بھائی کی فکر ہوتی ہے اور اس کے کیرئیر اور پرسنل لائف میں ہونے والے مسائل کو وہ ہر ممکن حل کرنے کی کوششوں میں مگن نظر آتے ہیں․

سمیع خان کے بڑے بھائی طیفور خان

اداکار سمیع خان کے بڑے بھیا طیفور خٓن بھی ایک بہت کامیاب اداکار، میوزیشن اور ماڈل ہیں۔۔۔یوں تو مقابلہ گھر میں ہی ہونا چاہئے لیکن طیفور خان بڑے بھیا کا صحیح کردار نبھاتے ہیں اور چھوٹے کی اتنی حوصلہ افزائی کرتے ہیں کہ منفی سوچ کا تو خیال بھی درمیان میں نہیں آتا۔۔۔دونوں ہی شادی شدہ ہیں اور اپنی زندگیوں میں کامیاب ہیں-