|
یوں تو شادی کا تعلق محبت اور عزت کے معیار اور قد سے ہی ہوتا ہے لیکن عمر
کو بھی اس رشتے میں کئی جگہ بہت رکاوٹ بنتے دیکھا ہے۔۔۔یہ عمر کا فرق اگر
دونوں میں سے کسی کا بھی ہو تو وہ اس بات کا فائدہ اٹھاسکتا ہے کہ ابھی
میری عمر ہی کیا ہے-
آئزہ اور دانش کی عمروں کا فرق
انڈسٹری کی یہ کامیاب اور خوبصورت جوڑی یوں تو عمر کے ہر فرق سے الگ ہے
کیونکہ دونوں ہی ایک ساتھ باکمال لگتے ہیں اور یہ پتہ ہی نہیں لگتا کہ اس
جوڑے کے درمیان عمر کا زیادہ فرق ہوگا۔۔۔لیکن سچ تو یہ ہے دانش تیمور اپنی
بیگم سے پورے آٹھ سال بڑے ہیں۔۔۔اور وہ ہمیشہ آئزہ کا اسی طرح خیال رکھتے
ہیں جیسے ابھی وہ بہت چھوٹی ہیں-
|
|
یاسرہ رضوی اور عبد الہادی کی عمروں کا فرق
اداکارہ اور رائٹر یاسرہ رضوی نے کچھ سال قبل اپنی عمر سے دس برس چھوٹے عبد
الہادی سے شادی کرلی۔۔۔ان کے شوہر کا ایم بی اے بھی مکمل نہیں ہوا تھا اور
انہوں نے یاسرہ کو ایک ڈرامے کی شوٹ پر دیکھا اورا ن سے محبت کا اظہار کر
ڈالا۔۔۔یاسرہ نے ان کی دی ہوئی انگھوٹی کو قبول کرلیا اور یوں یہ جوڑی ایک
ہوگئی۔۔۔
|
|
نتاشا نیٹی اور عاطف خان کی عمروں کا فرق
ماضی کی مشہور ماڈل جو اب اکثر میزبانی کے فرائض انجام دیتی نظر آتی
ہیں۔۔۔انہوں نے اپنی عمر سے کئی سال بڑے عاطف سے نا صرف شادی کی بلکہ
بھرپور انداز میں نبھا بھی رہی ہیں۔۔۔دو بیٹیوں کے باوجود بھی نتاشا اپنی
عمر سے کم ہی نظر آتی ہیں اور وہ اس شادی سے کافی خوش اور مطمئن ہیں-
|
|
گوہر ممتاز اور انعم احمد کی عمروں کا فرق
مشہور میوزیشن، گلوکار گوہر ممتاز یوں بھی لڑکیوں میں خاصے مشہور رہے اور
ان سے شادی کرنے کے لئے کئی لڑکیاں لائن میں تھیں لیکن انہوں نے اپنی عمر
سے تیرہ سال چھوٹی لڑکی انعم احمد کو پسند کیا اور ۲۰۱۴ میں ان کی شادی
ہوئی۔۔۔دونوں کے درمیان عمر کا یہ فرق اب پتہ بھی نہیں چلتا ۔۔۔انعم نے
اداکاری کے میدان میں بھی کافی عرصہ پہلے قدم رکھ دیا تھا-
|
|