پاکستانی شوبز ستارے جنہوں نے جیل میں بھی دن گزارے

شوبز کے کچھ ستارے جیل کی ہوا بھی کھا چکے ہیں اور ان میں ہر فیلڈ کے لوگ موجود ہیں جن سے جڑتی ہے جب بھی کوئی خبر تو وہ بڑی بن ہی جاتی ہے-

معین خان
سینئر کرکٹر معین خان کو جیل بھجوانے والی کوئی اور نہیں بلکہ ان کی اپنی بیگم تھیں۔۔۔معین خان کی بیگم کا تعلق اسٹیج سے تھا اور وہ ایک سخت مزاج خاتون ہیں۔۔۔ایک دن معین خان نشے میں دھت گھر آئے اور پھر بیگم پر ہاتھ بھی اٹھایا۔۔۔لوگوں کے لئے شاید یہ معمولی بات ہو لیکن ان کی بیگم نے پولیس میں شکایت درج کروائی اور معین خان کو حراست میں لے لیا گیا۔۔۔معاملات صحیح تو ہوگئے لیکن معین خان پر ہمیشہ کے لئے ایک دھبہ لگا گئے-

عتیقہ اوڈھو
پاکستانی شوبز انڈسٹری کا ایک بہت بڑا نام عتیقہ اوڈھو بھی جیل کی ہوا کھا چکی ہیں۔۔۔ائیر پورٹ پر ان کے سامان سے شراب کی بوتلیں برآمد ہوئی تھیں اور یوں انہیں پولیس نے گرفتار کرلیا۔۔۔لیکن کیونکہ عتیقہ اوڈھو نے سیاست کے میدان میں بھی قدم رکھا ہوا ہے اس لئے انہوں نے اپنے تعلقات کی بنیاد پر ضمانت کروائی اور رہا ہوگئیں-

اسد ملک
ڈرامہ ’’دشت‘‘ کے یادگار اسد ملک یوں تو آج کل اسکرین سے غائب ہیں لیکن ایک دور تھا کہ انہیں ڈراموں کے لئے آئیڈیل مان جاتا تھا۔۔۔لیکن کیا آپ جانتے ہیں کہ اس بارعب شخصیت کے مالک شخص نے دو قتل کئے ہیں اور جیل بھی جاچکے ہیں۔۔۔ان کا کہنا ہے کہ اس عرصے میں جب تک وہ جیل میں رہے ان کی کافی لوگوں سے دوستی ہوئی ۔۔۔جن میں سے ایک سیاست میں بھی شامل ہیں-

بیگم نوازش علی
علی سلیم یعنی بیگم نوازش علی بظاہر ہنستے ہنستے شو کرتی ہیں لیکن انہوں نے کچھ عرصہ قبل اپنی والدہ کی پٹائی کی اور ان پر ہاتھ اٹھایا۔۔۔لوگوں کا کہنا ہے کہ علی سلیم اس وقت نشے میں دھت تھا لیکن سچ تو یہ ہے کہ اس جرم کی کوئی معافی نہیں-

ایان علی
مشہور زمانہ ماڈل ایان علی جو کہ اپنے لازوال حسن کی وجہ سے ہر زبان زد عام ہیں چار ماہ اڈیالہ جیل کی ہوائیں کھا چکی ہیں۔۔۔پاکستانی سیاست میں ان کی گرفتاری سے طوفان آگیا۔۔۔ان کو پانچ لاکھ ڈالر بیگ میں رکھ کر لے جاتے ہوئے پکڑا گیا اور پھر پولیس نے انہیں اڈیالہ جیل بھیج دیا۔۔۔چار ماہ وہاں رہنے کے بعد ان کی ضمانت ہوئی لیکن ابھی تک وہ اس کیس سے جنگ لڑ رہی ہیں-