پاکستانی اداکار جن میں چُھپا ہے ایک بہترین گلوکار

پاکستان میں ٹیلنٹ کی کمی نہیں اور ہمارے موجودہ اداکار اپنے اندر صلاحیتوں کا ایک خزانہ رکھتے ہیں۔۔۔ایسے بہت سارے اداکار ہیں جو گلوکاری میں بھی اپنا کمال رکھتے ہیں۔۔۔کچھ تو سامنے آگئے اور کچھ کا ٹیلنٹ ابھی سامنے آنا باقی ہے-

مہوش حیات
خوبصورت اور باکمال اداکارہ مہوش حیات ایک بہترین گلوکارہ بھی ہیں۔۔۔اے آر وائی ڈیجیٹل کے مارننگ شو ’’گڈ مارننگ پاکستان‘‘ کا ٹائٹل سانگ بھی انہوں نے ہی گایا۔۔۔اور وہ کوک اسٹوڈیو میں بھی اپنی آواز سے خود کو منوا چکی ہیں-

صنم سعید
صنم سعید کو لوگ ایک بہترین اداکارہ کے طور پر تو مانتے ہی ہیں لیکن صنم کی آواز جس نے بھی سنی ہے وہ انہیں ایک بہترین گلوکارہ بھی مان چکا ہے۔۔۔کوک اسٹوڈیو میں بھی انہوں نے جگنی گانے میں اپنی آواز شامل کی تھی۔۔۔اور ایک شو میں انہوں نے جب گنگنایا تو لگا کہ یہ اداکارہ سے بھی پہلے ایک گلوکارہ ہیں-

سجل علی
بہت کم لوگ یہ جانتے ہیں کہ سجل علی کی آمد ساحر لودھی کے مارننگ شو میں ڈھولکی پروگرام سے ہوئی جہاں وہ گانے بھی گاتیں اور ہلا گلا بھی کرتیں۔۔۔یعنی گانے کا شوق تو سجل کو آغاز سے ہی تھا۔۔۔اور وقت کے ساتھ ساتھ ان کی آواز میں پختگی بھی آگئی۔۔۔اب وہ اداکارہ تو ہیں ہی لیکن گاتی بھی بہت اچھا ہیں-

ہانیہ عامر
عاصم اظہر کی دوستی ہانیہ کو راس آگئی۔۔۔کیونکہ ان کی آواز نے وقت کے ساتھ ساتھ ترقی کر لی۔۔۔ایک ڈرامہ ’’انا‘‘ کے ٹائٹل سانگ کو بھی گایا اور اکثر ان کے گنگنانے کے انداز سے لوگوں کو خوش ہوتے دیکھا گیا ہے-

عائشہ عمر
عائشہ عمر اداکاری سے پہلے گلوکاری ہی کرتی تھیں اور اس فیلڈ میں آنے کے بعد بھی انہوں نے اپنے شوق کو مختلف مواقع پر آزمایا اور کوک اسٹوڈیو میں ان کا گانا بھی شامل ہے-

فواد خان
فواد خان تو ایک بینڈ ’’ای پی‘‘ کے لیڈ سنگر اور گٹارسٹ تھے۔۔۔ابھی بھی ایک کامیاب اداکار بننے کے باوجود ان کی گلوکاری کے شوق میں کوئی کمی نہیں آئی ہے اور ان کا تعارف آج بھی موسیقی ہی ہے-