|
|
|
اداکارہ نمرہ خان کا تعلق کراچی سے ہے جو چھبیس جون 1990 کو پیدا ہوئيں
انہوں نے کراچی کے انڈس ویلی اسکول سے فلم میکنگ میں گریجویشل ڈگری حاصل کی-
اس کے ساتھ ساتھ انہوں نے ایکٹنگ کے شعبے میں بھی ڈپلوما بھی حاصل کیا-
انہوں نے اپنے کیرئیر کا آغاز 2013 میں کیا جس کے بعد ایک کے بعد ایک ان کے
ڈراموں نے شہرت حاصل کی -
مگر اسی دوران 26 اگست 2014 کو شوٹنگ سے واپسی پر ان کی گاڑی کو ایک خطرناک
حادثہ پیش آیا جس کے نتیجے میں ان کی ٹانگ پانچ جگہ سے ٹوٹ گئی اور ان کے
دماغ پر بھی چوٹیں آئیں اس کے سبب ان کو ایک سال تک کا عرصہ بستر پر گزارنا
پڑا-
نمرہ خان جو کہ اداکاری کے ساتھ ساتھ ایک بیوٹی پارلر بھی چلاتی تھیں اس کے
علاوہ وہ اسکواش کی ایک اچھی کھلاڑی بھی تھیں مگر اس حادثے کے سبب وہ بستر
تک محدود ہو گئيں جس نے ان کے وزن میں بے تحاشا اضافہ کر دیا-
|
|
|
|
صحت یاب ہونے کے بعد نمرہ خان نے دوبارہ سے شوبز میں واپسی کا فیصلہ کیا جس
کے لیے انہوں دوبارہ سے اپنے وزن کو کم کرنا تھا اور لوگ یہ دیکھ کر حیران
رہ گئے کہ نمرہ خان نے انتہائی مختصر عرصے میں سترہ کلو وزن کم کر کے
دوبارہ سے خود کو سلم اور بیوٹی فل کر لیا-
نمرہ خان کا ڈائٹ پلان
نمرہ خان نے اپنے ایک ہفتے کے ڈائٹ پلان سے پردہ ہٹاتے ہوئے بتایا کہ اس
ڈائٹ پلان سے انہوں نے ایک ہفتے میں آٹھ کلو وزن کم کیا- ان کا کہنا تھا کہ
وہ اپنی صبح کا آغاز صبح سات بجے کرتی تھیں جس میں وہ تین ابلے انڈوں کی
سفیدی کھاتی تھیں اس کے آدھے گھنٹے بعد وہ ایک سیب کھاتی تھیں اس کے آدھے
گھنٹے بعد وہ ایک مگ بھر کر سبز چائے پیتی تھیں-
اس کے بعد دوپہر کا کھانا وہ بارہ سے ایک بجے کے درمیان کھاتی تھیں اور اس
میں بھی اسی طرح تین انڈوں کی سفیدی آدھے گھنٹے بعد ایک سیب اور اس کے آدھے
گھنٹے کے بعد ایک مگ سبز چائے- اور یہی روٹین ان کی رات کے کھانے میں بھی
تھی- اس طرح دن میں ایک بار بڑا سا گلاس بھر کر اورنج جوس پیتی تھیں-
|
|
|
|
آٹھ دن تک اس سخت ترین شیڈول پر عمل پیرا ہو کر نمرہ خان نے اپنے وزن میں
آٹھ کلو کمی کی- اس حوالے سے نمرہ خان کا یہ بھی کہنا تھا کہ ہر انسان کے
جسم کا نظام دوسرے سے مختلف ہوتا ہے اس لیے اس ڈائٹ پلان پر عمل کرنے سے
ضروری نہیں ہے کہ ہر فرد کے وزن میں اتنی کمی واقع ہو مگر اس سے امید ضرور
کی جا سکتی ہے کہ تیزی سے وزن میں کمی واقع ہو گی-
|