میں نے اسے دیکھتے ہی فیصلہ کرلیا کہ یہی میری بیوی بنے گی۔۔۔بیویوں کے دیوانے پاکستانی شوبز ستارے

یہ سچ ہے کہ میاں بیوی گاڑی کے دو پہیے ہوتے ہیں اور شوبز میں ایسے کئی قدر دان ستارے ہیں جو نا صرف اپنی بیویوں کی قدر کرتے ہیں بلکہ یہ بھی مانتے ہیں کہ ان کی جوڑی صرف انہی کے ساتھ جچتی ہے

نعمان اعجاز کی بیوی رابعہ نعمان
نعمان اعجاز کی بیوی ایک بہت حسین اور گریس فل خاتون ہیں ۔۔۔تین بیٹوں کے بعد اور شادی کے اتنے سال بعد بھی رابعہ نعمان پر عمر کا کوئی اثر نہیں ہوا بلکہ ان کے وقار میں مزید اضافہ ہی ہوا ہے۔۔۔نعمان اعجاز نے رابعہ کو دیکھتے ہی یہ فیصلہ کرلیا تھا کہ یہی میری بیوی بنے گی لیکن محبت کی اس کہانی میں ولن تھے رابعہ کے والدین جو نعمان اعجاز کی اداکاری والی نوکری سے مطمئن نہیں تھے اور اپنی بیٹی کسی اداکار کو دینے کے لئے راضی نہیں تھے۔۔نعمان اعجاز نے انہیں منانے کے لئے دوسری نوکری بھی تلاش کی اور پھر یہ شادی ہو ہی گئی۔۔۔نعمان اعجاز آج بھی اسی طرح اپنی بیوی کے دیوانے ہیں اور فیملی کو اپنے کام اور تقریبات پر ہمیشہ ترجیح دیتے ہیں

عاطف اسلم کی بیوی سارہ بھروانہ
عاطف اسلم تو خود کروڑوں دلوں کی دھڑکن ہیں لیکن کالج لائف میں ہی ان کے دل کی دھڑکن بن چکی تھیں سارہ بھروانہ۔۔سارہ کینرڈ کالج میں پڑھتی تھیں اور عاطف گورنمنٹ کالج لاہور میں۔۔۔عاطف نے جب پہلی بارسارہ کو دیکھا تو اپنا دل ہار دیا۔۔۔لیکن کیونکہ وہ اس وقت اپنی جدو جہد کے حصے میں تھے تو اس جوڑی نے آٹھ سال کا انتظار کیا۔۔۔دونوں گھرانوں میں یہ خبر تھی کہ یہ ایک دوسرے کو پسند کرتے ہیں لیکن عاطف نے آٹھ سال بعد دنیا کے سامنے یہ اعتراف کیا کہ میں اس لڑکی سے پیار کرتا ہوں اور پھر شادی بھی کی اور سارہ کے حسن کو دیکھ کر واقعی ان دونوں کی جوڑی پر رشک آتا ہے۔۔۔عاطف اسلم بھی اپنی بیگم کے شدید دیوانے ہیں-

ابرار الحق کی بیوی حریم ابرار
گلوکار ابرار الحق کی بیوی حریم ابرار ایک بہت ذہین اور ساتھ دینے والی بیگم ہیں ۔۔۔یہ شادی 2005 میں ہوئی اور اس جوڑے میں بھی بے تحاشا محبت ہے ۔۔ابرار الحق کے تین بچے ہیں اور ان کی بیگم آج بھی اتنی ہی حسین ہیں جتنی شادی کے وقت تھیں۔۔۔وہ سامنے کم ہی آتی ہیں لیکن اکثر خاندان کے فنکشنز کی تصاویر میں ان کا سامنا ہو ہی جاتا ہے-

نعمان حبیب کی بیوی اسماء نعمان
میں ہوں شاہد آفریدی سے شہرت پانے والے اداکار نعمان حبیب اکثر ڈراموں میں نظر آتے ہیں۔۔۔ان کی بیوی اسماء نعمان سے ان کی محبت کی شادی ہے۔۔لیکن یہ محبت صرف صورت دیکھ کر نہیں بلکہ سیرت کی وجہ سے بھی ہوئی۔۔اسماء کی والدہ اور نانی ایک ادارہ چلاتی ہیں جہاں بوڑھے لوگوں کی دیکھ بھال ہوتی ہے اور اسماء بھی وہاں اسی خدمت پر مامور تھیں۔۔۔نعمان وہاں بوڑھے لوگوں سے ملاقات اور مدد کی نیت سے گئے اور اسماء کو دل دے بیٹھے۔۔۔ان کی بیوی بہت بھولی صورت اور خوبصورت نین نقش کی مالک ہیں اور نعمان ان کے دیوانے ہیں -