میں فلموں میں کام نہیں کروں گی، کیونکہ میرے ابو کو پسند نہیں ہے۔۔۔ طلسماتی فلمی دنیا کے ستارے

لالی ووڈ یعنی بڑی اسکرین ہر ستارے کا خواب ہوتی ہے لیکن ایک دور تھا جب یہ دنیا چمچاتی تھی۔۔۔اسے جادوئی دنیا کہا جاتا تھا جہاں اگر قسمت کا ستارہ چمک گیا تو سمجھیں راتوں رات ستارہ دلوں میں بس جاتا تھا اور تاریخ رقم ہوجاتی تھی۔۔۔لیکن اس دنیا میں ایسے کئی نام تھے جو بہت کامیاب ستارہ بنے بھی لیکن اپنے عروج پر اسے چھوڑ دیا۔۔۔

مسرت نذیر
مسرت نذیر وہ ستارہ تھیں جن کے والد ایک سرکاری محکمے میں ملازم تھے اور وہ بہترین آواز کی مالک تھیں۔۔۔ان کے والد کا خواب تھا کہ وہ ڈاکٹر بنیں لیکن وقت اور حالات نے اجازت نا دی اور مسرت نذیر اپنے شوق کو جاری رکھنے کا فیصلہ کرتے ہوئے ریڈیو میں آئیں۔۔۔وہاں اتنی کمائی نہیں تھی۔۔۔لیکن وہیں انہیں ملے فلمساز انور کمال پاشا۔۔۔جنہوں نے مسرت نذیر کو دیکھتے ہی اپنی فلموں میں لینے کا فیصلہ کر لیا۔۔۔لیکن مسرت نذیر نے اس بات سے صاف انکار کردیا۔۔۔انہوں نے کہا کہ میں میں فلموں میں کام نہیں کروں گی کیونکہ یہ مرے ابو کو پسند نہیں ہے۔۔۔انور کمال پاشا اپنے فیصلے سے پیچھے نہیں ہٹے اور وہ مسرت نذیر کے گھر پہنچ گئے۔۔۔ان کے والد کو منایا اوریہ وعدہ کیا کہ وہ کبھی کسی فحش سین یا کام کا حصہ نہیں بنیں گی اور انہیں ہمیشہ عزت ہی ملے گی۔۔۔یوں مسرت نذیر فلموں میں آئیں اور ایک کے بعد ایک سپرہٹ فلموں کا خزانہ دے ڈالا۔۔اب وہ ایک ایسا ستارہ تھیں جنہوں نے لالی ووڈ کو آسمان تک پہنچا دیا تھا۔۔۔لیکن اپنے عروج پر انہوں نے ایک فزیشن سے شادی کی اور فلمی دنیا کو خیر آباد کہہ ڈالا۔۔۔اپنے شوہر کے ہمراء کینیڈا گئیں اور تین بیٹوں کی ماں بن گئیں۔۔۔ان کی زندگی خوشیوں سے بھرپور ہے۔۔۔شادی کے بیس سال بعد وہ اپنی اسی گریس کے ساتھ واپس آئیں لیکن صرف گانے کے لئے اور بہترین گانے گا کر ایک بار پھر کینیڈا چلی گئیں-

سلمیٰ آغا
پاکستانی اور بھارتی اداکارہ سلمیٰ آغا نے اپنی زندگی میں بہت عروج دیکھا۔۔۔وہ ایک بہت ہی کھاتے پیتے گھرانے سے تعلق رکھتی تھیں اس لئے اس فیلڈ میں ان کے آنے کا مقصد پیسہ ہرگز نہیں تھا۔۔۔ان کے والد انگلینڈ میں بزنس کرتے تھے اور سلمیٰ آغا کے نانا نانی پہلی فیچر فلم ہیر رانجھا میں ہیر اور رانجھا بنے تھے۔۔۔پھر جب ان کے نانا نانی کی علیحدگی ہوئی تو نانی انوری بیگم نے راج کپور کے کزن کو مسلمان کرکے ان سے شادی کرلی۔۔۔کپور خاندان کی رشتہ دار بن گئیں سلمیٰ آغا لیکن کیونکہ نئے نانا مسلمان ہوئے تھے اس لئے ناراضگی رہی۔۔۔یہ ناراضگی اس وقت ٹوٹی جب انہیں رشی کپور کی شادی پر والدہ کے ساتھ بلایا گیا۔۔۔وہاں انہیں فلم ’’نکاح‘‘ کی آفر ہوئی اور یوں بھارتی فلم انڈسٹری میں سلمیٰ آغا نے بھرپور کامیابیوں کے ساتھ قدم رکھ دیا۔۔۔ایک کے بعد ایک کامیاب ترین فلمیں دیں۔۔۔متھن چکرورتی، راج کپور، دھرمیندر جیسے بڑے ناموں کے ساتھ بھی آئیں۔۔۔پھر جاوید شیخ کے ساتھ پہلی شادی کی جو چند ماہ ہی چلی، اس کے بعد اسکواش پلئیر رحمت خان سے شادی کی جو بیس سال چلی اور دو بچے ہوئے ایک بیٹا اور ایک بیٹی۔۔۔لیکن بیس سال بعد یہ شادی ختم ہوگئی۔۔۔سلمی آغا نے ممبئی میں ہی رہائش کرلی ارو فلمی دنیا سے کنارہ کشی اختیار کرلی۔۔۔ان کی بیٹی ساشا نے قدم رکھا لیکن کامیاب نا ہو پائی۔۔۔