جیو کی رمضان ٹرانسمیشن میں ہو گی جنگ۔۔۔رمضان کے میزبان کون کون

رمضان کے آنے سے دو مہینے پہلے ہی رمضان کی تیاریاں مختلف چینلز پر شروع ہوجاتی ہیں۔۔۔ایک دور تھا جب یہ رمضان ٹرانسمیشن مختلف ایجنسیز کے ہاتھوں میں دے دیئے گئے تھے اور وہ پروڈکشن ہاؤس کو ساتھ ملا کر اس ٹرانسمیشن سے لاکھوں اور کروڑوں روپیہ بھی بناتے تھے اور رمضان بھی سجاتے تھے۔۔۔پچھلے سال تک رمضان ٹرانسمیشن ایک مقابلے کے سوا کچھ نا رہی تھی۔۔۔وہ محبت، وہ سکون، وہ مزہ جو ان ٹرانسمیشنز کے ساتھ جڑا تھا کمرشلزم نے نوچ ڈالا تھا۔۔۔یہ مقابلہ اس سال بھی ہوگا لیکن اس بار بازی تھوری پلٹنے والی ہے۔۔

جیو ٹرانسمیشن کی میزبان
پچھلے دو سالوں سے رابعہ انعم جیو کے احساس رمضان ٹرانسمیشن کی ذمہ داری سنبھالتی رہیں۔۔۔جیو نے انہیں پہلے سمیع خان کے ساتھ میزبان بنایا لیکن انہوں نے جب خود کو ثابت کیا تو اگلے سال تنہا انہیں میزبانی کے فرائض دیئے گئے۔۔۔لیکن اس سال یہ چہرہ جیو کے ساتھ نہیں جڑا۔۔۔رمضان ٹرانسمیشن کی اس سال کی ٹرانسمیشن کی میزبانی کے فرائض انجام دیں گی معصوم صورت صنم جنگ۔۔۔صنم جنگ اس سے پہلے رمضان میں اپنے مارننگ شو کی نشست تو سنبھالتی رہی ہیں لیکن یہ مقابلہ ذرا اور مشکل ہوگا۔۔۔جیو کی تیاریاں تو عروج پر ہیں اب دیکھتے ہیں کہ اس سال وہ کتنی کامیابی سمیٹ پاتے ہیں-

ایکسپریس ٹرانسمیشن کی میزبانی
ایکسپریس ٹی وی سے کافی عرصہ سے رمضان کی نشست کو سنبھالتی رہیں جویریہ سعود اور ان کا ساتھ دیتے تھے عمران عباس۔۔۔عمران عباس انہیں کافی مہنگے پڑتے تھے ۔۔۔ایک تو انہیں پورا ایک مہینہ ہوٹل میں ٹہرانا اور دوسرا ان کے پیسوں کی ڈیمانڈ۔۔۔اس سب کے باوجود ریٹنگ کو کسی کھائی میں ہی ڈھونڈنا پڑتا تھا۔۔۔ہر چینل پر کونٹینٹ ایک جیسا ہی تھا لیکن شاید لوگ جویریہ اور عمران عباس کی کیمسٹری اور ان کی موجودگی کو ہضم نہیں کرپائے۔۔۔لیکن اب اس ٹرانسمیشن کی میزبانی کریں گے ڈاکٹر عامر لیاقت حسین۔۔انہوں نے ابھی سے ایکسپریس کی اسکرین پر اپنا چہرہ دکھانا شروع تو کردیا ہے۔۔۔دیکھتے ہیں رمضان سے پہلے اگر ان کا مینیجمنٹ سے کوئی جھگڑا نا ہوا تو وہی رمضان کی میزبانی کریں گے۔۔۔۔

اے آر وائی ڈیجیٹل کی رمضان ٹرانسمیشن
اے آر وائی رمضان ٹرانسمیشن پر آندھی آئے یا طوفان، رہیں گے وہی میزبان۔۔۔وسیم بادامی اور اقرار الحسن۔۔۔اور ساتھ میں ہوگا ننھا احمد۔۔رمضان ٹرانسمیشن میں اب تک نمبر ون کی پوزیشن انہیں ہی حاصل ہے۔۔۔باوجود محنت اور پیسہ لٹانے کے جیو ٹی وی رمضان میں دوسرا نمبر ہی لاتا رہا ہے۔۔۔اس بار مقابلہ تگڑا کچھ یوں ہے کہ دوسری جانب خواتین کی پسندیدہ صنم جنگ ہوں گی اور وہ اس بار پانسہ پلٹ بھی سکتی ہیں-