نوجوانی میں جو دکھ اٹھائے آج اس کا ازالہ ہو گیا۔۔۔شوبز کی بہترین اداکارہ ثمینہ احمد کی کہانی


کون نہیں جانتا کہ اداکارہ ثمینہ احمد نے اپنی نوجوانی میں شادی شدہ زندگی کے حوالے سے ایک تکلیف دہ باب دیکھا۔۔۔ان کی زندگی میں پہلی بار آئے فرید احمد۔۔۔یہ وہی فرید احمد تھے جو زیڈ ڈبلیو کے فرزند تھے اور ان کی منگنی اداکارہ شمیم آراء سے طے تھی۔۔۔لیکن زیڈ ڈبلیو اپنے بیٹے کی شادی شمیم آراء سے نہیں کرنا چاہتے تھے۔۔۔

اس بات کا وہ اندازہ بھی نہیں کرسکتے تھے کہ ان کی ایک ناپسندیدگی نا جانے کتنے گھروں کو برباد کرنے والی تھی۔۔۔شمیم آراء کی شادی والے دن فرید احمد بارات لے کر نا پہنچے۔۔۔وہاں میڈیا بھی موجود تھا۔۔۔شمیم آراء کی بڑی ہی سبکی ہوئی اور یہ بات ان کے دل پر لگی۔۔۔کچھ عرصہ بعد فرید احمد کی شادی اداکارہ ثمینہ احمد سے ہوگئی اور پھر ان کے گھر ایک بیٹا اور ایک بیٹی کی پیدائش بھی ہوگئی۔۔۔

دوسری طرف شمیم آراء کی بھی دو بار شادیاں ہوئیں۔۔۔ایک بار ایک زمیندار کے ساتھ جنہوں نے انہیں بہت چاہا اور شمیم آراء ہر طرح کا دکھ بھول گئیں۔۔۔پھر ان کا انتقال ہوگیا۔۔۔شمیم آراء نے دوسری شادی کی بزنس مین کریم مجید سے اور ان سے ایک بیٹے کی ماں بھی بنیں۔۔۔لیکن پھر جھگڑوں کی وجہ سے یہ شادی ختم ہوگئی۔۔۔
 


اس سب کے بعد ان کی ملاقات ایک بار پھر فرید احمد سے ہوئی۔۔۔گلے شکوے ہوئے اور بات چیت کا سلسلہ پھر جڑ گیا۔۔۔فرید احمد نے شمیم آراء سے شادی کی خواہش ظاہر کی لیکن اس کے بدلے انہیں بیوی اور بچوں کو چھوڑنا تھا۔۔۔جی ہاں ثمینہ احمد اور ان سے ہونے والے بچے۔۔۔فرید احمد نے یہ فیصلہ قبول کیا اور چھوڑ کر واپس شمیم آراء کے پاس آگئے۔۔۔شادی کے چار دن بعد ہی شمیم آراء نے پریس کانفرنس بلا کر فرید احمد سے اپنے ساتھ ہونے والی بے وفائی کا بدلہ لے لیا اور یوں بات طلاق پر ختم ہوئی۔۔۔

فرید احمد اس صدمہ کے بعد زیادہ عرصہ جی نا سکے۔۔۔لیکن جس نے اس سب میں دکھ کا سب سے بڑا موسم دیکھا وہ تھیں ثمینہ احمد۔۔۔
 


ثمینہ احمد نے بہت گریس اور محنت کے ساتھ اپنے بچوں کو پروان چڑھایا۔۔۔اور آج جب وہ نانی اور دادی کے عہدے پر فائز ہوئیں تو ان کی زندگی میں خوشیوں نے دروازہ کھٹکٹھایا۔۔۔اور یہ تھے مظہر صہبائی۔۔۔جو آج کل ڈرامہ ’’الف ‘‘ میں بھی کافی شہرت حاصل کرچکے ہیں اور فلم ’’بول‘‘ میں انہوں نے خود کو منوایا اور ایوارڈ بھی جیتا۔۔۔اس کے بعد فلم ’’زندہ بھاگ‘‘ سے دلوں پر راج کیا۔۔۔وہ ہدایتکار سرمد صہبائی کے بھائی بھی ہیں-

اس شادی سے نا صرف یہ جوڑا خوش ہے بلکہ انڈسٹری اور گھر والے بھی بہت خوش ہیں۔۔۔ہر کوئی ثمینہ احمد کی خوشی سے خوش ہے کیونکہ سب جانتے ہیں کہ وہ اس جیت کی اور اس سکون کی مستحق تھیں۔۔۔سجل علی، بشریٰ انصاری اور دیگر ان کی خوشی میں شامل ہوئے۔۔۔

Most Viewed (Last 30 Days | All Time)

Comments

آپ کی رائے
Best wishes for you samina Ahmed ❤️
By: Sanudia Adnan, Karachi on Apr, 10 2020
Reply Reply
1 Like
Language: