کیا آپ ایسے شفاف یا ٹرانسپیرنٹ کیپسول میں سونا پسند
کریں گے جو پہاڑ کے ساتھ بلندی پر لٹک رہا ہو-
|
|
جی ہاں ایسے ہی خوفناک ایڈونچر کی پیشکش پیرو کے Skylodge Adventures
Suites کی جانب سے کی جارہی ہے- یہ کیپسول نما کمرے وادی پیرو میں واقع ایک
چٹان کے اطراف میں بلندی پر نصب کیے گئے ہیں-
|
|
اگر آپ بہادر ہیں تو آپ 4 سو میٹر کی بلندی پر چڑھنے کے بعد ان کیپسول تک
رسائی حاصل کرسکتے ہیں- اور یہ بلندی چڑھنے کے لیے صرف ایک پگڈنڈی نما
راستے کی مدد حاصل ہوگی-
|
|
اس کیپسول میں رات گزار کر آپ اردگرد کی وادی اور تاروں بھرے آسمان
کے دلکش اور حسین نظارے کرسکتے ہیں-
|
|
اسکائی لاج کے منیجر نتالیہ روڈریگ کا کہنا ہے کہ ان ڈرامائی لاجز کی تخلیق
کا مقصد یہ تھا کہ "ایک انوکھا تجربہ پیش کیا جائے جو مہمانوں کے ساتھ فطرت
کو جوڑے اور انہیں اس بات کا احساس دلائے کہ واقعی آسائش کیا ہوسکتی ہے؟
|
|
یہ ایڈونچر سے بھرپور لاجز Natura Vive نامی کمپنی کے ذہن کا اختراع ہے- اس
کیپسول میں رات گزارنے والے مہمان واپسی پر زپ تاروں کی مدد سے واپسی زمین
پر آسکتے ہیں-
|
|
یہ کیپسول آرام دہ بستروں باتھ روم اور ڈائننگ ایریا پر مشتمل ہیں- کیپسول
میں موجود بستر تکیے اور کمبل سے آراستہ ہیں- کیپسول کو ایسی حفاظتی تدابیر
کو اختیار کرتے ہوئے ڈیزائن کیا گیا ہے کہ یہ موسم کی سختیاں بھی برداشت
کرنے کی صلاحیت رکھتے ہیں-
|
|
کیپسول میں ایک رات گزارنے کا کرایہ فی فرد 400 ڈالر ہے جس میں رات کا
کھانا اور صبح کے ناشتے کے علاوہ دیگر آلات بھی شامل ہیں- البتہ ایسے افراد
جو رات نہیں گزارنا چاہتے ہیں انہیں کمپنی کی جانب سے دوپہر کے کھانے کی
پیشکش کی جاتی ہے اور اس کی مد میں 237 ڈالر وصول کیے جاتے ہیں-
|
|
پیرو قدرتی عجائبات ہریالی اور قدیم کھنڈرات کا گھر ہے- یونیسکو کے
عالمی ثقافتی ورثہ کے شامل دو مقامات سابق شاہی دارالحکومت کاسکو اور
15 ویں صدی کے انکا قلعہ ماچو پچو بھی یہیں واقعہ ہے-
|
|