میں نے جو بھی کمایا وہ یہاں لگا دیا۔۔۔اداکارائیں جو بیوٹی سیلون بھی چلاتی ہیں

پاکستان کی بہت ساری اداکاراؤں نے شوبز میں اپنے فن کا مظاہرہ تو کیا لیکن ساتھ ہی ساتھ اپنے مستقبل کو محفوظ کرنے کا بھی فیصلہ کیا۔۔۔ایسی بہت ساری اداکارائیں ہیں جنہوں نے آنے کے فوراً بعد سمجھ لیا کہ جو شوق خواتین میں ہمیشہ رہے گا وہ خوبصورت دکھنے کا ہے اوراسی لئے بیوٹی سیلون مستقبل محفوظ رکھنے کا ایک بہترین راستہ ہوسکتا ہے۔۔۔

نرگس

اداکارہ نرگس نے فلم انڈسٹری اور تھیٹر میں کئی سال کام کیا اور بہت پیسہ بھی بنایا۔۔۔ان کے ساتھ بہت زیادتیاں بھی ہوئیں جس میں ان کے سر کے بال بھی کاٹے گئے اور انہیں اور ان کے گھر والوں کو زدو کوب بھی کیا گیا۔۔۔لیکن پھر ان کو ایک بار گرفتار بھی کیا گیا فحاشی اور عریاں گانوں پر رقص کرنے کی وجہ سے۔۔۔اس کے کچھ عرصہ بعد ہی انہوں نے شونز سے کنارہ کشی کا اعلان کیا ۔۔۔اور پھر کینیڈا اپنے میاں اور ایک بیٹے کے ساتھ سیٹل ہوگئیں۔۔۔وہاں پر نرگس نے اپنا سیلون کھولا اور اسے بڑی ہی کامیابی سے چلا رہی ہیں۔۔۔

نادیہ حسین

نادیہ حسین نے ماڈلنگ سے اپنی پہچان بنائی اور پھر ڈرامہ انڈسٹری میں بھی قدم رکھ دیا۔۔۔حالانکہ وہ دانتوں کی ڈاکٹر ہیں لیکن انہوں نے اپنی ہی فیلڈ میں نام بنانے اورکمانے کا فیصلہ کیا۔۔۔انہوں نے نادیہ حسین کے نام سے سیلون کھولا اور اسے مختلف مارننگ شوز میں پروموٹ کیا۔۔۔اور بہت محنت اور صبر کے ساتھ اس پر کام کرتی رہیں۔۔۔آج ان کا سیلون ملک کے کامیاب ترین سیلونز میں سے ایک ہے۔۔۔

تحریم زبیری

اداکارہ اور میزبان تحریم زبیری نے بھی شوبز میں کام کرنے کے ساتھ ساتھ اپنے پیسے کو محفوظ بنانے کا سوچا اور کراچی کے علاقے گلشن اقبال میں اپنا سیلون کھول لیا۔۔۔اس سیلون کو بھی کافی عرصہ ہوچکا ہے۔۔۔تاہم یہ سیلون ابھی بہت زیادہ نہیں کماتا۔۔۔ان کا کام اچھا ہے لیکن کلائنٹس کی تعداد کافی مختصر ہے۔۔۔تحریم اس سیلون کے لئے ملک سے باہر جا کر بھی ٹریننگ لیتی رہیں۔۔۔

شگفتہ اعجاز

اداکارہ شگفتہ اعجاز ایک بہت ہی محنتی اور باہمت خاتون ہیں جنہوں نے اپنی بیٹیوں کو بھی اپنی طرح مظبوط بنانے کا سوچا اور اپنا بزنس شروع کیا۔۔۔ایک ایسا سیلون جہاں کوالٹی کا بہت خیال رکھا جاتا۔۔۔انہوں نے اپنے ساتھ ساتھ اپنی بیٹیوں کو بھی اس فن میں ماہر کیا تاکہ وہ اپنا بزنس خود چلا سکیں اور ان کی غیر موجودگی میں بھی ان کی بیٹیاں کامیابی سے اسے سنبھال سکیں۔۔۔

فریدہ شبیر

اداکارہ فریدہ شبیر کئی سالوں نسے سیلون چلا رہی تھیں اور جب وہ پس آئینہ میں آتی تھیں تو اس وقت انہوں نے اس کام کا آغاز کیا تھا۔۔۔لیکن پھر وقت اور ضرورت نے اسے زندگی کا حصہ بنا دیا۔۔۔انہوں نے شبیر جان سے شادی کے بعد اس سیلون کو شبیر جان کی ہی پہچان بنایا اور انہی کے نام سے اسے چلانا شروع کیا۔۔۔خواتین کا تو نہیں لیکن مردوں کا سیلون کافی اچھا چلتا ہے۔۔۔

دیدار

اداکارہ دیدار جو کہ اسٹیج ڈانسر نرگس کی بہن بھی ہیں لاہور میں رہائش پذیر ہیں اور انہوں نے بھی لاہور میں بہت ہی بڑا سیلون بنایا ہے جہاں وہ کاشیز سے متاثر میک اپ کرتی ہیں اور دلہنیں بناتی ہیں۔۔۔ان کا میک اپ بہت ہی گلیمرس اور مہنگا ہوتا ہے۔۔۔

صاحبہ

جان ریمبو کی بیگم اداکارہ صاحبہ نے بھی لاہور میں اپنا سیلون کھول ہی لیا ہے جہاں ان کی والدہ نشو بیگم بھی جاتی رہتی ہیں اور دونوں ماں بیٹی اس کو کامیاب بنانے کی کوششوں میں مگن ہیں۔