ہمارے ابو کے آگے کسی کی زبان ہی نہیں کھلتی۔۔۔شوبز ستاروں کے بارعب ابو

گھر میں جب ہوتا ہے یہ اعلان کہ ابو آرہے ہیں تو ایک بھگدڑ سی مچ جاتی ہے۔۔۔سب کو اپنی اپنی پڑ جاتی ہے۔۔۔ابو کے غصہ سے کون نہیں گھبراتا۔۔۔اور بڑے خوش قسمت ہیں وہ لوگ جن کے ابو کو غصہ ہی نہیں آتا۔۔۔شوبز ستارے بھلے کتنے ہی طرم خان بن جائیں لیکن جیسے ہی سامنے آتے ہیں ان کے ابو۔۔۔سب بن جاتے ہیں ڈبو۔۔۔

صنم جنگ
صنم جنگ اپنے گھر میں سب سے بڑی ہیں لیکن وہ اکثر اپنے گھر کی جب بھی کوئی بات بتاتی ہیں تو اس میں ابو کے رعب اور غصے کا اکثر ذکر ہوتا ہے۔۔۔ان کی امی حالانکہ نوکری پیشہ خاتون تھیں لیکن گھر میں اصول اور کمانڈ صرف ابو کو حاصل تھی۔۔۔بیٹیوں کے فیصلوں سے لے کر گھر کو چلانے کا نظام تک سب ابو کے ہی ہاتھ میں تھا۔۔کسی کو کمرے میں الگ سے لیپ ٹاپ اور ٹی وی رکھنے کی اجازت نہیں تھی۔۔۔جو دیکھنا ہے سب مل کر دیکھیں گے۔۔۔جب تک صنم کی شادی نہیں ہوئی تھی ، ان کے ابو کے یہ تمام اصول ان کی زندگی کا حصہ تھے۔۔۔

مایا علی
اداکارہ مایا علی کے والد بھی غصے کے کافی سخت تھے اور ان کو اپنے ابو سے تھوڑا ڈر بھی لگتا تھا۔۔۔جب مایا نے فیصلہ کیا کہ وہ شوبز میں آئیں گی تو ن کے والد کو یہ بات بہت ناگوار گزری اور انہوں نے مایا کو سختی سے منع کردیا۔۔۔مایا علی نے یہ فیصلہ اپنے والد کے خلاف جا کر لیا اور اس کا نتیجہ یہ نکلا کہ گھر میں ماحول ہی بدل گیا۔۔۔مایا کے ابو نے ان سے بات کرنا چھوڑ دی اور یہ سلسلہ ایک طویل عرصہ تک چلا۔۔۔انتقال سے کچھ عرصہ قبل انہوں نے مایا علی کے ساتھ نارمل رویہ اختیار کر لیا تھا۔۔۔

حنا الطاف
اداکارہ اور میزبان حنا الطاف کی زندگی میں ماں اور باپ دونوں کی ہی سختی شامل رہی۔۔۔ان کی والدہ تو بہت زیادہ سخت تھیں ہی لیکن ان کے والد کو بھی ان کی زندگی کی تکالیف سے کچھ خاص غرض نہیں رہی۔۔۔حنا نے بہت کوشش کی کہ وہ گھر کو چلا سکیں لیکن ان کے لئے بہت کم عمری میں ہی گھر کو چھوڑنے کے سوا کوئی راستہ نا بچا۔۔۔انہوں نے ایک فادرز ڈے پر اپنے والد کو پیغام دیا کہ آپ خوش رہیں۔۔۔مجھے آپ سے پیار ہے لیکن میں نے کبھی نا تو کوئی فیملی کی تصویر سوشل میڈٰا پر ڈالی اور نا ہی کبھی شئیر کروں گی۔۔۔