ننھا میرا دودھ شریک بھائی تھا۔۔۔جوڑیاں جو ٹوٹیں تو پھر نا بن سکیں

ٹی وی اور فلم انڈسٹری میں ایسے کئی اداکار ہیں جو ایک دوسرے کے ساتھ جڑ گئے تھے۔۔۔ان میں سے کسی ایک کا نا ہونا دوسرے کے لئے بھی سب کچھ ختم ہونے کی نوید بن گیا تھا۔۔۔

تمنا اور ننھا کی جوڑی
فلمسٹار تمنا نے تھیٹر، فلم، ٹی وی کے لئے بہت کام کیا اور اپنی اینٹری ریڈیو کے ڈرامے سے دی تھی۔۔۔ان کا کہنا ہے کہ ان کو ڈرامے میں لانے والے کمال احمد رضوی تھے۔۔اور پھر انہوں نے فلم انڈسٹری میں جب اپنی جگہ بنائی تو ان کا ساتھ تھا ننھا کے ساتھ۔۔۔تمنا بیگم نے زندگی میں بہت مشکل وقت بھی دیکھا۔۔۔شادی ہوئی تو ڈھائی سال بعد ہی میاں کا ایک حادثے میں انتقال ہوگیا۔۔۔پھر ایک بیٹی کے ساتھ فلم انڈسٹری میں واپس قدم رکھا کیونکہ کوئی کمانے والا نہیں تھا۔۔۔ایسے وقت میں ان کا بہترین دوست ننھا ہی بن گیا۔۔۔یہ وہ انسان تھا جس کے ساتھ لوگوں نے ان کی جوڑی کو کافی پسند کیا۔۔۔ایک موقع پر دونوں نے ایک ہی گلاس سے دودھ پیا اور ایک دوسرے کو دودھ شریک بہن بھائی کا ٹائٹل دے ڈالا۔۔۔ان کی جوڑی ٹوٹنے کے بعد تمنا بیگم کا دل پھر کسی کے ساتھ نا جڑ سکا۔۔۔

سلطان راہی اور مصطفیٰ قریشی کی جوڑی
سلطان راہی اور مصطفیٰ قریشی کو ہمیشہ سے ہی ایک ساتھ پسند کیا جاتا رہا۔۔۔ان دونوں کی ایسی کئی فلمیں ریلیز ہوئیں جس میں ایک ہیرو تو ایک ولن تھا۔۔۔ہیرو اور ولن کی یہ جوڑی حیرت انگیز طور پر مداحوں کے دل کی دھڑکن تھی۔۔۔لیکن جیسے ہی سلطان راہی کا انتقال ہوا تو مصطفیٰ قریشی کے لئے بھی یہ ایک اعلان تھا جوڑی ٹوٹنے کے ساتھ ساتھ فلم بینوں کے دل سے اترنے کا۔۔۔کیونکہ لوگوں نے ان دونوں کو ایک ساتھ تو بہت پسند کیا لیکن الگ الگ بعد میں قبول نہیں کر پائے۔۔۔

انور مقصود اور معین اختر کی جوڑی
یہ ایک ایسی عظیم جوڑی تھی جس میں ایک کے نا ہونے سے دوسرا ختم نہیں ہوا لیکن بجھ ضرور گیا۔۔۔کہا جاتا ہے کہ انور مقصود کی تحریر معین اختر پر ایسے فٹ بیٹھتی تھی جیسے انور مقصود کے دماغ میں ان کے سوا کوئی اور صورت ہی نا ہو۔۔۔دونوں کا ساتھ اتنا زیادہ تھا کہ ایک دن بھی ایک دوسرے کے بغیر نا گزرتا۔۔۔اے آر وائی ٹی وی کئے در و دیوار بھی دونوں کی دوستی کی گواہی دیتے ہیں۔۔۔جب معین اختر کا انتقال ہوا تو سب کو صرف یہ فکر تھی کہ اس مشکل وقت میں انور مقصود کو کیسے سنبھالا جائے۔۔۔لوگوں کو لگتا ہے کہ وہ سنبھل گئے لیکن سچ تو یہ ہے کہ ان کا دل آج بھی معین اختر کی ہی یاد میں دھڑکتا ہے۔۔۔