میں اپنے بچے کو سب کچھ خود بنا کر کھلاتی ہوں۔۔۔شوبز کی مائیں جنہیں گھریلو نہیں سمجھا جاتا لیکن ایسا نہیں ہے

ماں تو ایک ایسا رشتہ اور اک ایسا جذبہ ہے جس کی کوئی مثال نہیں۔۔۔لیکن شوبز کی ماؤں پر اکثر یہ الزام لگا دیا جاتا ہے کہ یہ بھلا کیا بچے کو پالے گی۔۔۔ماسیوں پر چھوڑ کر آجاتی ہوگی۔۔۔بازار کے بنے دودھ اور کھانے دیتی ہوگی۔۔۔بس نام کو بچہ پیدا کرلیا۔۔۔لیکن سچ تو یہ ہے کہ ایسی بہت ساری مائیں ہیں جنہوں نے دن رات ایک کر کے کام بھی کیا اور اسی دل کے ساتھ بچے کی تربیت بھی کی اور چھوٹے سے بچے کو بہت اچھی طرح پالا بھی۔۔۔

نادیہ حسین
نادیہ حسین جتنی اچھی بیوٹیشن، ماڈل اور اینکر ہیں وہ اتنی ہی بہترین ماں بھی ہیں۔۔۔جب ان کا چھوٹا بیٹا پیدا ہوا شیر داد۔۔۔تو اکثر لوگوں کو لگا کہ نادیہ تو اتنی مصروف ہے کیا بچے کو پالے گی ۔۔۔لیکن نادیہ نا صرف بچے کو خود سنبھالتی تھیں۔۔۔بلکہ خود ہی اس کی سبزیاں بوائل کرکے انہیں پیس کر اس کی پہلی نرم غذا گھر میں ہی تیار کرتی تھیں۔۔۔انہوں نے ڈبے کی غذائیں اپنے بچے کو نہیں دیں اور اپنے ساتھ ہر وقت بے بی بیگ رکھتی تھیں اور بچے کے سارے کام خود ہی کرنے کو ترجیح دیتی تھیں۔۔۔

آئزہ خان
اتنی مصروف زندگی کے باوجود آئزہ خان اپنے بچوں کے معاملے میں کوئی کوتاہی نہیں کرتیں۔۔۔ان کی زندگی کا پہلا مقصد صرف اور صرف ان کے بچے ہیں۔۔۔۔بچوں کی پسند کے کھانے تیار کرنے سے لے کر انہیں اسکول چھوڑنا، ان کو کھانا کھلانا، ان کو سلانا، ان کے سارا دن کے کام آئزہ خود ہی کرتی تھیں۔۔انہوں نے بڑے ہی منظم طریقے سے اپنی شوٹس کو اپنے بچوں کے حساب سے مکمل کروایا۔۔۔بچوں کے لئے شوٹ کے دوران بھی گھر آتی تھیں تاکہ انہیں ماں کی دوری کا احساس نا ہو۔

صنم جنگ
مارننگ شو کی میزبان صنم جنگ نے اس وقت تک کوئی ڈرامہ نہیں کیا جب تک الایا اسکول جانے کے لائق نہیں ہوگئی۔۔۔وہ مارننگ شو کے بعد اپنا پورا وقت الایا کو ہی دیتی تھیں۔۔۔جب وہ چھوٹی تھی اور رات بھر جاگتی تھی تو صنم اسے خود ہی سنبھالتی تھیں اور پھر بغیر نیند پوری کئے اپنے کام پر بھی جاتی تھیں۔۔۔الایا کی خاطر صنم نے بہت کچھ پکانا بھی سیکھا اور اس کے سارے کام خود کرنے کو ہی ترجیح دی۔۔۔

ایمن خان
اپنے عروج پر ہونے کے باوجود ایمن خان نے شوبز کو بیٹی کی پیدائش کے بعد مکمل طور پر ہی خیر آباد کہہ دیا ہے۔۔۔اور وہ اکا دکا ہی کسی شو میں نظر آتی ہیں۔۔۔ان کی ساری توجہ اب امل کی پرورش پر ہے اور وہ اس میں کبھی کوئی کوتاہی نہیں کرتیں۔۔۔

متیرا
متیرا کو لوگ کچھ بھی کہتے ہوں لیکن اپنے بیٹے کے لئے وہ صرف ایک ماں ہے۔۔۔متیرا اپنے بچے کے سارے کام خود ہی کرتی ہیں اور جب وہ گھر پر موجود ہوں تو اس کو کھانا کھلانے سے لے کر اس کے سارے ضروری کام کے لئے وہ کسی کو تکلیف نہیں دیتیں۔۔۔متیرا کو اپنے بیٹے کے کام کرکے خوشی ہوتی ہے-