|
جب شوہر کی ملتی ہے تعریف تو بیگم کا دل بھی دو گنا بڑھ جاتا ہے۔۔۔انڈسٹری
میں ایسے کئی دل والے شوہر ہیں جو اپنی بیگم کے ہاتھ کے کھانوں کے دیوانے
ہیں لیکن ساتھ ہی کچھ ایسے بھی شوہر ہیں جو خود اپنی بیگم کو کھانے بنا بنا
کر کھلاتے ہیں۔۔۔
جان ریمبو
اداکار افضل خان نے یوں بھی محبت کی شادی کی ہے اس لئے شروع سے ہی اپنی
بیگم کو پلکوں پر ہی بٹھا کر رکھا۔۔۔ویسے تو صاحبہ بھی بہت اچھا کھانا
بناتی ہیں لیکن ان کی محبت میں شوہر کچھ ایسے دیوانے ہیں کہ کبھی کبھی تو
ناشتہ بھی خود ہی بناتے ہیں اور دعوتوں میں بھی زیادہ تر وہی کھانا بناتے
ہیں اور اگر کھانا پورا نا بھی بنائیں تو کم سے کم اتنی مدد کرتے ہیں کہ
صاحبہ پر کوئی بھی بوجھ نا پڑے۔۔۔
|
|
سعدیہ امام کے شوہر
اداکارہ سعدیہ امام کے شوہر کیونکہ شیف بھی ہیں اس لئے جب بھی سعدیہ ان کے
پاس جرمنی جاتی ہیں تو کھانے پکا پکا کر کھلاتے ہیں اور جب یہاں بھی آئیں
تو ناشتے اور کھانے خود بھی بناتے ہیں۔۔۔سعدیہ کو بھی اپنے شوہر کے ہاتھ کے
کھانے بہت پسند ہیں کیونکہ وہ کانٹینیینٹل کھانوں کے بھی ایکسپرٹ ہیں۔۔۔
|
|
یاسر حسین
یاسر حسین اور اقراء عزیز کی شادی کے بعد اکثر ان کے ایسے پوسٹ آتے ہیں جو
ان کی محبت کی کہانیاں سناتے ہیں لیکن حال ہی میں ایک انٹرویو میں یاسر نے
بتایا کہ اقراء کو بہت زیادہ کوکنگ نہیں آتی اور وہ اکثر اسے کوکنگ سکھاتے
بھی ہیں اور اسے اچھے اچھے کھانے کھلاتے بھی ہیں۔۔یاسر کا کہنا ہے کہ اقراء
صرف انڈے بنانے کی ماہر ہے۔۔۔
|
|
فیصل قریشی
اداکار فیصل قریشی بھی کھانا بنانے کے کافی شوقین ہیں اور آج کل جبکہ ان کی
بیگم چھوٹے بچے کی دیکھ بھال میں مصروف ہیں تو فیصل قریشی ان کے لئے گھر کے
سارے باقی کام خوشی خوشی کرتے ہیں۔۔۔نا صرف کھانا بناتے ہیں بلکہ ان کی
پسند کی چیزیں بھی بناتے ہیں۔۔وہ بہترین چکن کڑاہی بناتے ہیں اور ان کی
بیگم ان سے کافی خوش ہیں۔۔۔
|
|