کہیں یہ طویل خاموشی کنارہ کشی کا اعلان تو نہیں۔۔۔شوبز اداکارائیں جو ایک سال سے اسکرین سے غائب ہیں

کام کرتے ہیں تو اتنا کہ جہاں نظر جائے وہاں وہ ہی نظر آئیں اور جب غائب ہوئے تو ایسا کہ ایک سال ہوگیا لیکن کوئی خبر تک نا آئے۔۔۔انڈسٹری میں کچھ نام ایسے ہیں جو اچانک اسکرین سے غائب ہوگئی ہیں اور ایک سال میں ان کی کوئی خبر بھی نہیں۔۔۔

صنم بلوچ
مارننگ شو کی میزبان اور اداکارہ صنم بلوچ نے آخری ڈرامہ ’’خاص ‘‘ کیا اور اس کے بعد اسکرین سے غائب ہوگئیں۔۔۔اس ڈرامہ کی آن ائیر تاریخیں پچھلے سال اپریل کی ہیں۔۔۔یعنی صنم بلوچ اس سے بھی پہلے شوٹنگ مکمل کروا چکی تھیں۔۔۔ایک خبر کے مطابق صنم بلوچ اس وقت کینیڈا میں ہیں اور کافی عرصہ سے وہیں مقیم ہیں۔۔۔اپنی علیحدگی کے بعد صنم بلوچ کی زندگی میں بھی کافی کچھ بدل گیا ہے۔۔۔لیکن اس طویل وقفے کی وجوہات کیا ہیں یہ ابھی تک سامنے نہیں آئیں۔۔۔

صنم چوہدری
اداکارہ صنم چوہدری ایک کے بعد ایک پراجیکٹس میں نظر آرہی تھیں لیکن پھر یہ خبریں گردش کرنے لگیں کہ صنم چوہدری کی شادی ہونے والی ہے اور وہ اس کے بعد انڈسٹری چھوڑ دیں گے۔۔۔لیکن پھر صنم چوہدری نے اس خبر سے انکار کیا اور پھر بعد میں یہ خبر سچ ثابت ہوگئی۔۔۔صنم چوہدری کی شادی کی تصاویر منظر عام پر آگئیں۔۔۔لیکن صنم چوہدری نے کہا کہ وہ ایک بریک لیں گی اور پھر واپس آئیں گی۔۔۔اب ان کے بریک کو بھی خاصہ وقت گزر چکا ہے۔۔۔امریکہ جانے والی یہ اداکارہ اب کب نظر آئیں گی یہ تو وقت ہی بتائے گا۔۔۔

انعم فیاض
انعم فیاض نے بہت جلدی عوام کے دلوں میں اپنی اداکاری سے گھر کر لیا تھا اور ان کے کافی ڈرامے ایک کے بعد ایک شادی کے بعد بھی آتے رہے۔۔۔لیکن پھر اچانک ہی وہ غائب ہوگئیں۔۔۔بعد میں پتہ چلا کہ وہ ماں بن گئی ہیں لیکن انہوں نے اسکرین سے کافی عرصہ سے کنارہ کشی اختیار کرلی ہے۔۔۔ہوسکتا ہے کہ انعم ایک بار پھر اسکرین پر واپس آئیں لیکن کیا یہ واپسی مستقل مزاجی کے ساتھ ہوگی یا یہ صرف ایک وقتی فیصلہ ہوگا۔۔۔یہ بھی وقت ہی بتائے گا۔۔۔