بچوں کے ساتھ سالگرہ منانے کا موقع۔۔۔ستاروں کے گھروں میں سالگرہ کی خوشیاں قرنطینہ میں بھی

اب وہ دور کہاں جب سالگرہ منانے کے لئے کبھی کسی ملک تو کبھی کسی ملک۔۔۔اب تو سب اپنے اپنے گھروں میں بند اپنے گھر والوں کے ساتھ ان خوشیوں کو منا رہے ہیں۔۔۔پاکستانی ستاروں نے اپنی اور اپنے بچوں کی سالگرہ کیسے منائی اس قرنطینہ میں

عروسہ صدیقی کے بیٹے کی سالگرہ
اداکارہ عروسہ صدیقی نے پچھلے دنوں حیرت انگیز طور پر اپنے وزن میں کمی کی۔۔۔اور اب وہ ایک نئے روپ میں عوام کے سامنے آرہی ہیں۔۔۔حال ہی میں انہوں نے اپنے بیٹے حمزہ کے ساتھ تصویر لگائی اور لکھا کہ ہماری دنیا حمزہ علی خان دو سال کے ہوگئے ہیں۔۔۔دعاؤں میں یاد رکھیں۔۔۔عروسہ نے یہ سالگرہ سادگی سے اپنے شوہر کے ساتھ ہی منائی اور بہت کم لوگ جو گھر والے تھے اس میں شامل تھے۔۔۔

عمران اشرف کے بیٹے کی سالگرہ
اداکار عمران اشرف کے بیٹے روحام اس قرنطینہ کے دنوں میں پورے ایک سال کے ہوگئے اور ان کی سالگرہ بہت ہی سادگی سے گھر میں منائی گئی۔۔۔سادگی سے کیک کاٹا گیا اور عمران اشرف نے لکھا کہ پہلے میں کوئی بھی کام کرنے سے پہلے ایک ہزار بار سوچتا تھا ، اور اب ایک ہزار ایک بار سوچتا ہوں۔۔۔ایک ہزار سے پہلے ایک روحام۔۔۔انہوں نے اپنے بیٹے کو دعا دی کہ خدا تمہیں نرم دل اور خدا ترس بنائے۔۔۔

منیب بٹ کی سالگرہ
اداکار منیب بٹ نے اس سال اپنی سالگرہ اپنی بیگم اور اپنی بیٹی امل کے ساتھ منائی۔۔۔اس موقع پر ان کی خوشی ہی نرالی تھی کیونکہ کیک کاٹتے وقت ان کی گود میں ان کی سب سے بڑی خوشی بھی موجود تھی۔۔۔

علی رحمان کی سالگرہ
اداکار علی رحمان نے اپنی سالگرہ سوشل میڈیا پر ہی منائی اور انہوں نے عائشہ عمر کو لائیو انٹرویو دیا اور اپنی سالگرہ کا کیک بھی کاٹا اور خود کو کھلایا۔۔۔یہ ایک ایسی سالگرہ تھی جس میں میزبان بھی وہ خود تھے اور مہمان بھی وہ خود تھے۔۔۔

سائرہ یوسف کی سالگرہ
کچھ دن پہلے سائرہ یوسف نے بھی اپنی سالگرہ اپنی بہنوں اور ان کے بچوں کے ساتھ منائی اور انہوں نے اسٹیٹس لکھا کہ سالگرہ پر صرف پیار ہی کافی ہے۔۔۔وہ اپنی بیٹی کے ساتھ کافی خوش نظر آئیں اور انہوں نے علیحدگی کے بعد اپنی پہلی خوشی سب سے شئیر کی۔۔۔