ایک ہی ڈرامہ میں کام کیا لیکن ہمیشہ کے لئے چھا گئیں۔۔۔وہ اداکارائیں آج کہاں ہیں

کچھ کردار ایک جھلک دکھا کر بھی ہمیشہ کے لئے آنکھوں میں بس جاتے ہیں۔۔۔پاکستان ٹیلی ویژن میں ایسے کئی ناموں نے کام کیا جو ایک ڈرامے میں ہی اپنی اداکاری سے خود کو منوا گئے اور لوگ آج بھی انہیں نہیں بھلا پائے۔۔۔

کرن زمان
بھلا کون بھول سکتا ہے ڈرامہ ’’سنہرے دن‘‘ کی بھولی بھالی ہیروئن کو۔۔۔یہ خوبصورت چہرہ ہے کرن زمان کا۔۔۔کرن نے مشہور ہدایت کار شعیب منصور کے ڈرامے سنہرے دن کے لئے آڈیشن دیا اور فوراً ہی چن لی گئیں۔۔۔ان کو سلیم شیخ کی ہیروئن کا کردار ادا کرنا تھا۔۔۔سنہرے دن اپنے دور کا کامیاب ترین ڈرامہ تھا جسے لوگ آج تک نہیں بھلا پائے۔۔۔لیکن کرن زمان نے اپنی زندگی میں بس یہی ایک ڈرامہ کیا اور اپنی پڑھائی کو ترجیح دی۔۔۔انہوں نے فائن آرٹس کی تعلیم حاصل کی اور پھر بیرون ملک ہی چلی گئیں۔۔۔وہ امریکہ میں رہائش پذیر ہیں اور تعلیم کے شعبے میں خود کو منوا رہی ہیں۔۔۔ان کے تین بچے ہیں اور وہ اپنی زندگی میں بہت خوش ہیں۔۔۔کرن زمان کو اس کے علاوہ بھی کئی پراجیکٹس کی آفر ہوئی لیکن وہ اس گھرانے سے تعلق رکھتی ہیں جہاں تعلیم بنیادی ضرورت اور سب سے پہلی ترجیح ہے۔۔۔اس لئے انہوں نے کم عمری میں ہی اس فیصلے کا خیر مقدم نہیں کیا اور اپنی پڑھائی کو زندگی کا حصہ بنا لیا۔۔۔

ڈاکٹر صائمہ صلاح الدین
ڈاکٹر صائمہ صلاح الدین نے ڈرامہ الجھن میں قربان جیلانی مرحوم کی نوجوان بیوی کا کردار ادا کیا تھا اور اس ڈرامہ میں وہ سعدیہ امام کی سوتیلی ماں بنی تھیں۔۔۔جس وقت یہ ڈرامہ بنا تو صائمہ صلاح الدین ایم بی بی ایس کی تعلیم حاصل کر رہی تھیں۔۔۔پھر انہوں نے اس ایک ڈرامہ کے بعد ہی شوبز کو خیر آباد کہا اور اپنے کیرئیر میں آگے بڑھتی چلی گئیں۔۔۔اعلی تعلیم بھی حا صل کی اور معروف ترین ڈاکٹرز میں بیرون ملک ان کا شمار ہونے لگا۔۔۔انہوں نے ایک انگریز آدمی کو مسلمان کرکے اس سے شادی کی اور آج کل متحدہ عرب امارات میں ہیں۔۔۔ڈاکٹر صائمہ صلاح الدین ان چہروں میں سے تھیں جنہیں ایک بار دیکھنے کے بعد بھلانا مشکل تھا اس لئے الجھن ڈرامہ کے فورا بعد بھی انہیں کئی ڈراموں کی آفر ہوئی جو انہوں نے ٹھکرادی۔۔۔