|
شوبز انڈسٹری میں بہت آسان ہے کسی کو بھی کچھ بھی کہہ دینا۔۔۔کیونکہ لوگوں
کی نظر میں جو لڑکی اسکرین پر کام کرتی ہے اسے کچھ کہہ بھی دیا جائے تو برا
نہیں ہے۔۔۔لیکن سچ تو یہ ہے کہ اس انڈسٹری میں ایسی کئی لڑکیاں ہیں جو
بظاہر نازک نظر آتی ہیں لیکن ان کا حوصلہ چٹانوں جتنا مضبوط ہے
کومل عزیز
کچھ عرصہ قبل ایک ویڈیو منظر عام پر آئی جس میں اداکارہ کومل عزیز چیخ چیخ
کر اپنے ساتھ ہونے والی زیادتیوں کو بتا رہی تھیں کہ کس طرح ان کے مالک
مکان نے اس بات کا لحاظ بھی نہیں کیا کہ وہ اور ان کی بہن اکیلی کسی مرد کے
سہارے کے بغیر ایک فلیٹ میں رہ رہی ہیں اور اپنا کرایہ وقت پر ادا کر رہی
ہیں۔۔۔وہ مالک مکان انہیں ڈراتا رہا، دھمکاتا رہا اور ان پر کئی بار
قاتلانہ حملے بھی کئے۔۔۔کومل عزیز کے لئے اس گھر کو چھوڑنا مشکل نہیں تھا
لیکن وہ یہ کہتی تھیں کہ بات اصول کی ہے۔۔۔جب ہم نے بیانہ دیا ہے اور اس
ٹوٹے ہوئے گھر کو بنوایا ہے تو پھر ہم اپنا پیسہ اسے دے کر کیوں جائیں۔۔۔ہم
کیوں ڈریں۔۔۔کومل کا کہنا ہے کہ ایک دن اس نے ہماری بجلی بھی کاٹ دی اور
سختی سے کہہ دیا کہ اگر کوئی الیکٹریشن آیا تو میں اسے جان سے مار دوں
گا۔۔۔تاکہ یہ ماں بیٹیاں اندھیرے میں بغیر بجلی کے اپنا وقت گزاریں اور گھر
چھوڑ دیں۔۔۔کومل نے بتایا کہ ان کے والد نے اتنا کچھ تو جمع کیا تھا کہ یہ
جنگ میں پیسوں کے لئے نہیں لڑ رہی تھی۔۔۔یہ اصول کی جنگ تھی اور میں نے
فیصلہ کرلیا تھا کہ میں اس وقت ہی جاؤں گی جب میرا بیانہ پورا ہوگا۔۔۔وہ
وقت گزارنے کے بعد کومل نے جب گھر خالی کرنا چاہا اور وہ شوٹ پر تھیں تو ان
کی امی اور بہن ایک انکل کے ساتھ چابی دینے اس مالک مکان کے پاس گئے تو اس
نے ان پر حملہ کردیا۔۔۔کومل شوٹ پر ہی چیخیں مار مار کر روتی رہیں اور پھر
اپنی ٹیم کے ساتھ وہاں پہنچیں۔۔۔لیکن وہ بھاگ گیا تھا۔۔۔
|