بیٹیوں میں بھی باپ کے ہی رنگ نظر آتے ہیں۔۔۔لالی وڈ کے اداکاروں کی بیٹیاں بھی ان کی طرح لاجواب

کہتے ہیں کہ باپ اور بیٹی کا رشتہ اتنا خاص ہے کہ چاہے دنیا اس باپ کو اچھا سمجھے یا برا، ایک بیٹی کے لئے وہ ہیرو ہی ہوتا ہے۔۔۔لالی وڈ کے کئی اداکاروں کی بیٹیاں اپنے والد کی نا صرف دیوانی ہیں بلکہ ان کی طرح بننے کی بھی کوشش کرتی ہیں۔۔۔

بابر علی کی بیٹیاں
اداکار بابر علی خوش شکل ہونے کی وجہ سے ہمیشہ سے ہی ہیرو رہے اور آج بھی ان میں ایک ہیرو ہی جھلکتا ہے۔۔۔جو ان کی بیٹی کو بڑا ہی واضح نظر آتا ہے۔۔۔بابر علی کے تین بچے ہیں۔۔۔دو بیٹیاں اور ایک بیٹا اور تینوں ہی ان کی طرح خوبصورت اور باصلاحیت ہیں۔۔۔خاص طور پر کچھ عرصہ قبل انہوں نے اپنی بڑی بیٹی کے ساتھ ایک ٹک ٹاک ویڈیو ڈالی جو بہت وائرل بھی ہوئی اور اس سے صاف ظاہر تھا کہ ان کی بیٹی میں وہ سارے رنگ موجود ہیں جو ان کے والد میں ہیں۔۔

سلیم شیخ کی بیٹیاں
سلیم شیخ نے فلموں اور ڈراموں میں اداکاری کے جوہر دکھائے اور وہ جاوید شیخ کے چھوٹے بھائی ہیں۔۔۔ویسے تو اس گھرانے میں سب ہی خوبصورت ہیں لیکن سلیم شیخ کی بیٹیاں اپنے باپ کی طرح نین نقش رکھتی ہیں اور بہت ہی پیاری ہیں۔۔۔سلیم شیخ گھر میں اپنی بیٹیوں کے ساتھ وقت گزارنا پسند کرتے ہیں۔۔۔غصہ کے تھوڑے تیز ہیں۔۔۔لیکن بیٹیاں پھر بھی ان کی دیوانی ہیں۔۔۔خاص طور پر سب سے بڑی بیٹی نشمیہ ان کے ساتھ کوکنگ کرتی ہیں اور دونوں باپ بیٹی کی بہت زیادہ کیمسٹری ہے۔۔۔

معمر رانا کی بیٹیاں
اداکار معمر رانا آج بھی ایک باڈی بلڈر ہیرو کے طور جانے جاتے ہیں۔۔۔ان کی دو بیٹیاں ہیں اور دونوں بیٹیوں میں ماں باپ دونوں کے رنگ جھلکتے ہیں۔۔۔لیکن بڑی بیٹی انہی کی طرح شوبز کے سارے طور طریقوں سے واقف ہیں۔۔۔وہ باقاعدہ پروفیشنل میک اپ ٹیوٹوریل سکھاتی ہیں اور بہت ہی پراعتماد ہیں اپنے والد کی طرح۔۔۔اس ٹیوٹوریل سے وہ پیسے بھی کماتی ہیں اور ثابت کر رہی ہیں کہ معمر رانا کی طرح ان کی بیٹی بھی چھوٹی عمر سے ہی اپنی صلاحیتوں کا لوہا منوا سکتی ہے۔۔۔