اچھا ہے اچھا بننے دو مذاق۔۔۔وہ شوبز ستارے جو خود اپنی پروموشن کرواتے ہیں

بدنام جو ہوں گے تو کیا نام نا ہوگا۔۔۔اس بات پر عمل کرتے ہیں بہت سارے شوبز کے ستارے۔۔۔خود اپنا مذاق بنا کر، یا خود اپنے ساتھ ہونے والی کونٹروورسیز کو بڑھا چڑھا کر پیش کرتے ہیں اور پھر چاہتے ہیں کہ بھلے دو چار دن کے لئے ہی سہی وہ کم سے کم ٹرینڈنگ میں تو آئیں۔۔۔

میرا جی
اداکارہ میرا کوئی نا کوئی ایسی ویڈیو یا ایسا انٹرویو سامنے لے آتی ہیں جو ان کے لئے ایک نیا سوشل میڈیا وبال کھڑا کر دیتا ہے۔۔۔لیکن ٹہرئیے۔۔۔یہ وبال ہی تو میرا جی کو چاہئے تھا۔۔۔وہ ہر بار کچھ نا کچھ ایسا کرتی ہیں تاکہ لوگوں کی توجہ کا مرکز بن جائیں۔۔۔اب اس کرونا کی وبا کے دوران ستارے ماند پڑرہے ہیں تو میرا جی اس دوران بھی اپنے چمکنے کا سہارا ڈھونڈ ہی لیتی ہیں۔۔۔ایسی ایسی کوششیں کرتی ہیں جس پر ہنسی آجاتی ہے۔۔۔عمران خان کو دہائیاں دیتی ہیں کہ میں امریکہ میں پھنس گئی ہوں، پیسے ختم ہوگئے ہیں۔۔۔میری مدد کرو مجھے اپنے ملک واپس آنا ہے۔۔۔جبکہ دوسری طرف کیپٹن نوید کے گھر پر اور باہر پارٹیاں بھی چل رہی ہیں۔۔۔کیا یہ کھلا تضاد نہیں؟

عامر لیاقت
یہ وہ شخصیت ہیں جو ہر موقع پر عوام میں مقبول ہونا جانتے ہیں۔۔۔انہیں شوق ہے خود کا مذاق بنوانے کا اور اکثر ان کی باتوں سے سازش کی بو آتی ہے۔۔۔یہ کوئی بھی کام کرتے ہیں تو چاہے وہ اچھائی کے لئے ہی کیوں نا ہو اس میں دکھاوے کی بو آتی ہے۔۔۔جب ان کی کوئی چھوٹی سی بھی بات ہو تو یہ اس پر پورا پورا شو کردیتے ہیں تاکہ بات اگر دبی بھی ہے تو اچھل کر باہر آجائے۔۔۔ان کی اپنے سوشل میڈیا پر بہت کراری نظر ہے۔۔۔یہ نظر میں رکھتے ہیں کہ کہاں کس نے ان کی کس بات کو اچھالا اور کس بات کو کھنگالا۔۔

عدنان صدیقی
ایسا لگتا ہے کہ عدنان صدیقی کو خوب آتا ہے میڈیا پر چھائے رہنا۔۔۔وہ خود اپنی درگت بنواتے ہیں اور پھر معصوم بن جاتے ہیں۔۔۔عامر لیاقت کے شو میں ایسا کیا تھا کہ جواب دینا نہیں آیا۔۔۔ویسے تو ان کے پاس ہر بات کا جواب ہوتا ہے۔۔۔لیکن یہ بات بھی ان کی پروموشن کا ہی ایک حصہ بن گئی۔۔۔اس کے بعد ایک بار پھر یہ شہوار سے دکھی مہمان کے روپ میں شہرت سمیٹنے لگے۔۔بھارت کے اداکاروں سے معذرت کرکے یہ بتانے لگے کہ میں اس بات میں شامل نہیں تھا۔۔۔کیسے نہیں تھے۔۔۔آپ نے غلط کو اسی وقت صاف الفاظ میں غلط کیوں نہیں کہا۔۔۔