|
|
|
ماں باپ کے بعد جو سب سے قریبی اور قیمتی رشتہ ہوتا ہے وہ بہن بھائیوں کا
ہی ہوتا ہے لیکن زندگی ایک دم بدل جاتی ہے جب یہ بہن بھائی دنیا سے چلے
جائیں اور آپ کے اندر صرف ایک خلا رہ جاتا ہے۔۔۔
کرن ملک
اداکارہ کرن ملک نے نے پنکی میم صاحب سے اپنی جگہ بنائی۔۔۔زندگی میں بیس
سال پہلے ایک بہت بڑے دکھ سے گزریں۔۔۔جب ایک حادثہ میں ان کے بھائی کا
انتقال ہوگیا۔۔۔یہ ایک روڈ ایکسیڈینٹ تھا اور اس حادثہ نے کرن ملک کی زندگی
میں ایک ایسا خلا کردیا ہے جسے وقت بھی پر نہیں کر سکتا۔۔۔وہ آج بھی کسی
ایک خواہش کو اگر پورا کرنا چاہیں تو وہ ان کے بھائی کی واپسی کی صورت
ہوگی۔۔۔وہ اپنے بھائی سے بہت شدید محبت کرتی تھیں۔۔۔
|
|
|
|
وینیزا احمد
ماڈل وینیزا احمد کے لئے یہ ایک بہت تکلیف دہ وقت تھا جب ان سے کئی سال
چھوٹی ان کی بہن کار حادثے میں جاں بحق ہوگئی۔۔۔وینیزا کا کہنا ہے کہوہ
میرے لئے میرے بچوں کی طرح تھی۔۔۔میں نے اسے پالا تھا اور یہ ایک بہن کا غم
نہیں یہ ایک اولاد کے جانے کا غم ہے۔۔۔اور ماؤں کے دل بھی کبھی بچوں کے
جانے کے بعد سلامت رہے ہیں۔۔۔وینیز اکے دل میں بھی ایک خلش ، ایک خراش ہے
جسے صرف وہی محسوس کر سکتی ہیں۔۔۔
|
|
|
|
بلال اشرف
اداکار بلال اشرف کو انڈسٹری میں آنے کا مشورہ دینے والی ان کی باصلاحیت
بہن سعدیہ اشرف تھیں۔۔۔وہ اپنی بہن سے بہت قریب تھے اور ان کے مشوروں پر
عمل بھی کرتے تھے۔۔۔زندگی نے ان کے ساتھ بہت تکلیف دہ کھیل کھیلا اور سعدیہ
کو کینسر ہوگیا۔۔۔وہ بہت عرصہ یہ درد سہہ نہیں پائیں اور یوں بلال اشرف کو
بہن کی موت کا صدمہ جھیلنا پڑا۔۔۔لیکن اس کے بعد وہ جیسے ٹوٹ گئے۔۔۔
|
|
|
|
زوہیب حسن
گلوکار زوہیب حسن کے لئے ان کی بہن نازیہ حسن کیا تھی یہ وہ تمام دیکھنے
والے بھی سمجھ سکتے ہیں جنہوں نے اس جوڑی سے عشق کیا ہے۔۔۔زاہیب حسن نے
آخری وقتوں میں بھی نازیہ کو تنہا نہیں چھوڑا تھا اور ہسپتال میں دن رات
وہی ہوتے تھے۔۔۔ان کا کہنا ہے کہ اپنی پیاری سی بہن کو روز موت کی جانب
جاتے دیکھنا بہت مشکل تھا۔۔۔میرے لئے تو نازیہ ہی سب کچھ تھی۔۔۔ہم ایک
دوسرے کے دکھ سکھ کے ساتھی تھے۔۔۔اس کے جانے کے بعد آج بھی لگتا ہے کہ اندر
کچھ کمی ہے جو کوئی بھی پوری نہیں کر پائے گا۔۔۔
|
|
|
|
سائرہ یوسف
اداکارہ سائرہ یوسف کی بڑی بہن رقیہ نے ایک عرصہ تک کینسر سے بہت ہمت کے
ساتھ جنگ لڑی لیکن پھر وہ ہار گئیں۔۔۔بہنوں کا جانا یقینا ایک بہت مشکل وقت
ہے۔۔۔سائرہ اور ا کی باقی دو بہنیں آج بھی اپنی اس بہن کا غم نہیں بھولیں۔۔
|
|
|