نہ مہنگے کھلونے نہ مہنگے کھیل۔۔۔بچوں کو بہلانے کے سستے اور آسان حل جو آپ خود بنائیں

بچوں کو بہلانا جتنا آسان ہے اتنا ہی مشکل بھی ہے۔۔ چار سے سات سال تک کی عمر کے بچوں کو کھلونے بہت پسند ہوتے ہیں اور ان کی خواہش ہوتی ہے کہ بار بار وہ کوئی نیا کھلونا لے کر آئیں۔۔۔اس کرونا کے دور میں ہمیں بچت کرنی ہے نہ صرف کھانے پینے اور پہننے اوڑھنے میں بلکہ بچوں کی ان خواہشات میں بھی۔۔۔تو اب آپ بہت آسانی سے ان کے لئے خود ہی گھر میں موجود چہزوں سے کھلونے بنا سکتی ہیں۔۔۔

غلیل
بچوں کے لئے گھر میں موجود چیزوں سے ہی آپ غلیل بنا سکتے ہیں۔۔۔آپ انہیں نشانہ بازی کے ذریعے فیصلہ لینے کا بہت اچھا ہنر سکھا رہے ہیں۔۔۔پانچ سے چھے کھلونے سامنے رکھیں جن کا نشانہ لے کر انہیں گرانا ہے۔۔۔لکڑی کا کوئی ایسا ٹکڑا جس کی شیپ درخت جیسی ہی ہو۔۔۔یعنی نیچے سے تنا ہو اور اوپر دو شاخیں۔۔۔اس کے درمیان میں لاسٹک باندھ دیں اور کوئی بھی پتھر یا سخت چیز کی مدد سے انہیں غلیل سے نشانہ لگانا سکھائیں۔۔۔

دودھ کے خالی ڈبوں کا گلک
کسی بھی ایک لیٹر والے خالی دودھ کے ڈبے پر رسفید رنگ کا کور چڑھائیں اور بچوں سے بولیں کہ وہ اس پر اپنی مرضی کے رنگوں سے گاڑی، گھر ، دکان یا کوئی بھی پسندیدہ ڈرائنگ بنائیں اور اس کے منہ پر کٹر کی مدد سے اتنا بڑا کٹ لگائیں کہ پیسے اندر چلے جائیں۔۔۔بچوں کو اس بہانے بچت اور پیسے محفوظ کرنا سکھائیں۔۔۔

خالی اوولٹین یا ٹین کے ڈبوں سے فون بنانا
یہ وہ کھیل ہیں جو ہمارا بچپن ہوتے تھے اور آج مہنگے مہنگے کھلونوں نے ان کا مزہ کرکرا کردیا ہے۔۔۔لیکن اب صحیح وقت ہے اپنے بچوں کو ان سے محبت کروانے کا۔۔۔دو اوولٹین یا ٹین کے خالی ڈبوں کے درمیان ایک سوراخ کریں اور اس میں سے رسی کا کونا نکال کر باہر سے گرہ باندھ دیں۔۔۔درمیان میں رسی کی لمبائی اتنی چھوڑیں کہ ایک کمرے سے دوسرے کمرے میں جاسکے فون۔۔۔اور دوسرے ٹین کے ڈبے پر بھی یہی عمل دہرائیں۔۔۔اب دو فون ایک رسی سے جڑے ہیں۔۔۔بچوں کو اس سے فاصلہ رکھنے کے بارے میں بھی سکھا سکتی ہیں اور اپنوں سے بات کرنے کا اعتماد بھی دے سکتی ہیں۔۔۔