مجھے اداکاری میں مزہ ہی نہیں آتا۔۔۔شوبز کی وہ مائیں جن کی بیٹیوں نے اداکاری کرنا ہی نہیں چاہی

کہتے ہیں بیٹیاں ماں کی پرچھائی ہوتی ہیں۔۔۔لیکن یہ ضروری نہیں کہ جو فن ماں میں ہے وہ بیٹی میں بھی سرائیت کر جائے۔۔۔یہ ایک ایسا سفر ہے جس پر چلنے والے کو ہی پتہ ہوتا ہے کہ وہ منزل تک پہنچ پائے گا یا نہیں۔۔۔کامیاب اداکارائیں ہونے کے باوجود ان کی بیٹیوں کو لگا کہ ہم اداکاری تو کر ہی نہیں سکتے ۔۔۔اس لئے میڈیا میں رہیں گے ضرور لیکن اداکاری نہیں کریں گے۔۔۔

صبا حمید کی بیٹی میشا شفیع
صبا حمید کی کامیاب اداکاری کے تو لوگ گرویدہ ہیں۔۔۔اب تو ان کے بیٹے بھی انہی کے ساتھ ڈرامے میں کام بھی کر رہے ہیں لیکن اتنی کامیاب اداکارہ ہونے کے باوجود انہوں نے اپنی بیٹی میں یہ فن ٹرانسفر نہیں کیا۔۔۔بلکہ ان کی بیٹی نے گلوکاری کے شعبے میں آنا بہتر محسوس کیا اور وہ اس میں کامیاب بھی رہیں۔۔۔انہوں نے اپنی والدہ کے بہترین اداکارہ ہونے کے باوجود ایسا کرنے کی کوشش بھی نہیں کی کیونکہ وہ جانتی تھیں کہ لوگ اچھا کام تو بھول جاتے ہیں لیکن ایک برا ہمیشہ کے لئے ان کے ساتھ جڑ جائے گا۔۔

بشریٰ انصاری کی بیٹی میرا انصاری
بشریٰ انصاری کے ساتھ ساتھ ان کا آدھا خاندان اس شعبے میں بہت کامیابی کے ساتھ اپنا سفر طے کر رہا ہے۔۔۔ان کی بھانجی، بہنیں سب ہی اداکاری کے شعبے میں اپنا لوہا منوارہی ہیں لیکن ان کی بیٹی میرا انصاری میں ماڈلنگ کے ہی جراثیم موجود رہے۔۔۔میرا نے اداکاری کرنے کو ترجیح نہیں دی اور وہ اس شعبے سے ذرا دور ہی رہیں۔۔۔

زینت یاسمین کی بیٹی ایرج منظور
ماڈلنگ کی دنیا میں ایک بہت بڑا نام کمانے والی ایرج منظور نے اپنی والدہ زینت یاسمین کے نقش قدم پر چلنے کی کبھی کوشش نہیں گی۔۔۔انہوں نے گانوں میں ماڈلنگ کی، ریمپ پر کی، کمرشلز میں کی لیکن اداکاری کرنے کی کوشش بھی نہیں کی۔۔۔جبکہ نجم شیراز کی ایک ویڈیو میں ان کی ماڈلنگ میں کافی ڈرامہ تھا اور یہ لگتا تھا کہ وہ اس فیلڈ میں اگر آئیں تو کافی آگے جا سکتی ہیں لیکن وہ شاید ایسا کرنا ہی نہیں چاہتی تھیں۔۔۔انہوں نے ماڈلنگ کو ہی اپنی منزل جانا اور آج اسی کے حوالے سے کامیابی کے ساتھ پہچانی جاتی ہیں۔۔۔