|
|
|
پاکستانی شوبز انڈسٹری میں ماں اور باپ کا کردار ادا کرنے والے سینئر
اداکار اکثر نوجوان اداکاروں سے خفا نظر آتے ہیں۔۔۔ان کے غصے اور جھنجھلا
ہٹ سے اکثر اداکار بھی پریشان ہی نظر آتے ہیں۔۔۔لیکن کبھی ان کے سامنے کہہ
نہیں پاتے۔۔۔
فردوس جمال
کچھ عرصہ قبل فردوس جمال نے ماہرہ خان کے لئے جس حقارت سے گفتگو کی اس سے
صاف ظاہر تھا کہ انہیں نوجوان نسل کو وہ جگہ دینی ہی نہیں آرہی جس کی اس
وقت ضرورت ہے۔۔۔اپنی زندگی میں ہونے والی کمی اور زیادتیوں کا بدلہ وہ اس
طرح لیتے ہیں کہ بغیر سوچے سمجھے اپنی رائے کا اظہار کر دیتے ہیں۔۔۔انہیں
لگتا ہے کہ آج کل کے لوگ صرف اپنی شکل و صورت سے ہی آگے بڑھ جاتے ہیں اور
انہیں کام تو آتا ہی نہیں۔۔۔یہ سوچ کہیں نا کہیں فردوس جمال میں موجود ہے۔۔۔
|
|
|
|
اسماعیل تارا
اسماعیل تارا نے کچھ عرصہ قبل وسیم بادامی کے شو میں بیٹھ کر یہ بتانے کی
کوشش کی کہ آج کل کے نوجوان اداکار اپنی غلطی تسلیم نہیں کرتے۔۔۔ان میں
بڑوں کا احترام نہیں۔۔۔سینئر اداکار بار بار یہ بتانے کی کوشش کرتے ہیں کہ
انہوں نے اپنے سینئرز کو بہت احترام دیا۔۔۔لیکن مسئلہ یہ ہے کہ آج کا
اداکار بھی بدلے میں وہی عزت مانگتا ہے جو اسماعیل تارا کو لگتا ہے کہ
نوجوانوں کو دینی چاہئے۔۔۔
|
|
|
|
ثمینہ پیرزادہ
ثمینہ پیر زادہ ایک بہترین اداکارہ ہیں لیکن جب بات ہوتی ہے سیٹ پر
ریکارڈنگ کی کسی ڈرامہ کی تو ان کا روپ ہی الگ ہوتا ہے۔۔۔وہ کبھی تو بہت
محبت سے بھرپور ہوتی ہیں اور کبھی سختی کی انتہا کردیتی ہیں۔۔۔اپنے سینز کے
دوران ساتھی اداکاروں کو باقاعدہ سکھانا شروع کر دیتی ہیں کہ تم ایسے نہیں
ایسے بولو گے۔۔۔یہ بہت سارے اداکاروں نے محسوس کیا کہ وہ اپنی اداکاری کے
سامنے نوجوان اداکاروں کو تھوڑا کم ہی دیکھتی ہیں۔۔۔
|
|
|
|
قیصر نقوی
یوں تو اداکارہ قیصر نقوی آج کل خاصی بیمار ہیں لیکن ان کی شخصیت میں تھوڑی
سختی ہے جو بیماری کی وجہ سے اور بڑھ گئی ہے۔۔۔جب وہ ڈرامے کی ریکارڈنگ پر
ہوتی تھیں تو انہیں کسی چھوٹی بات پر بھی غصہ آجاتا تھا ۔۔۔
|
|
|