مجھے ایسی زندگی نہیں گزارنی جیسی میری ماں نے گزاری، صبا قمر نے شادی نہ کرنے کی وجہ بتا دی

اداکارہ صبا قمر کا شمار شوبز کی ان ادکاراؤں میں ہوتا ہے جو کہ صرف پاکستان ہی میں نہیں بلکہ اپنی صلاحیتوں کے باعث سرحد پار بھی پہچانی جاتی ہیں- فلم ہندی میڈیم میں عرفان خان جیسے منجھے ہوئے اداکار کے سامنے اپنی اداکاری سے سب کو ششدر رکھ دینے والی صبا قمر اپنی منفرد سوچ اور انداز کے سبب بہت پسند کی جاتی ہیں-

حالیہ دنوں میں ایک نجی سوشل میڈیا چینل کو انٹرویو دیتے ہوئے ان کا یہ کہنا تھا عرفان خان کی موت نے ان کو ہلا کر رکھ دیا تھا- اپنے آئیڈیل کے حوالے سے بات کرتے ہوئے ان کا یہ کہنا تھا کہ انہیں ایک ایسے انسان کی تلاش ہے جو اپنی زندگی سے خوش ہو مطمئین ہو- ان کا یہ ماننا ہے کہ جو انسان اندر سے خوش ہو گا وہی دوسرے انسان کو خوش رکھ سکنے کا باعث ہو سکتا ہے-

شادی نہ کرنے کے حوالے سے ان کا یہ کہنا تھا کہ وہ بہت مختلف انسان ہیں اور ان کا یہ ماننا ہے کہ شادی کے لیے ہمیں ایک پارٹنر کی ضرورت ہوتی ہے- شادی کا مطلب یہ نہیں ہے کہ آپ ویسی زںدگی گزاریں کہ دنیا کیا چاہتی ہے زندگی انسان کو صرف ایک بار ملتی ہے اور اس کو لوگوں کی مرضی سے نہیں گزارنی چاہیے بلکہ اس طرح جینا چاہیے جیسا وہ چاہتے ہیں-
 

شادی کے بارے میں ان کا یہ بھی کہنا تھا کہ وہ ایسی زندگی نہیں گزارنا چاہتی ہیں جیسی ان کی ماں نے گزاری تھی- جس زںدگی میں جھگڑے تھے مار پیٹ تھی مگر وہ نہیں چاہتیں کہ ان کی زںدگی بھی کسی ایسے انسان کے ساتھ گزرے ۔ان کا یہ بھی ماننا ہے کہ زںدگی کسی کلینڈر کی طرح نہیں ہے کہ کب شادی کرنی ہے کب بچے پیدا کرنے چاہئیں ہیں جب موقع ملے گا تب یہ سب کام ہو جائیں گے-

ان کا یہ بھی کہنا تھا کہ وہ نہیں چاہتی ہیں کہ ان کا شوہر اسٹوپڈ ہو ۔ ان کا یہ کہنا تھا کہ اسٹوپڈ شوہر ان کے لیے قطعی طور پر نا قابل برداشت ہو گا ۔ ان کو وہ شوہر قبول نہیں ہے جو کہ سوال پوچھنے والا بحث کرنے والا ہو-
 

 ان کا یہ ماننا تھا کہ ہمیں آگے بڑھنے کے لیے خود کو تبدیل کرنا ہوگا اپنے مائنڈ سیٹ کو تبدیل کرنا ہوگا اور وہ ایسے کسی بھی انسان کو برداشت نہیں کر سکتی ہیں جو کہ ان کے لیے پریشانی کا باعث بنے اور ایسے کسی بھی انسان کو بلاک کر کے زندگی سے نکال دینا چاہیے-