مجھے بال باندھنے کی عادت ہی نہیں۔۔۔اداکارائیں جو ہمیشہ کھلے بالوں میں نظر آتی ہیں

بال شخصیت کو نکھارتے ہیں اور کچھ ستارے جانتے ہیں اپنے بالوں سے اپنی شخصیت کی پہچان کروانا۔۔۔ایسی بہت ساری اداکارائیں ہیں جنہیں آپ ہمیشہ کھلے بالوں میں ہی دیکھیں گے اور زیادہ تر وہ بالوں کو باندھنا پسند نہیں کرتیں

حرا مانی
حرا مانی نے اپنے کئی ڈراموں میں بال کھولنے کو ہی ترجیح دی ہے۔۔۔وہ عام زندگی میں بھی اکثر کھلے بالوں کے ساتھ ہی نظر آتی ہیں۔۔۔ڈرامہ ’’غلطی‘‘ کے ایک سین میں آفان وحید ان کے بندھے بالوں کو کھولتے ہیں اور کہتے ہیں تم مجھے ایسے پسند ہو۔۔۔خود شاید حرا کو بھی وہ ایسے ہی پسند ہوں اس لئے انہوں نے اپنے بالوں کو باندھنا کم ہی کردیا ہے

کنزیٰ ہاشمی
خوبصورت اداکارہ کنزیٰ ہاشمی کو آپ زیادہ تر جگہوں پر کھلے بالوں کے ساتھ ہی دیکھیں گے۔۔۔اس کی وجہ یہ بھی ہے کہ کنزیٰ کو اپنے بالوں سے بہت پیار ہے۔۔۔ان کا کہنا ہے کہ اس میں ٹوٹکے بھی شامل ہیں اور وہ تارہ میرا کا تیل لگاتی رہی ہیں اپنے بالوں کو لمبا کرنے کے لئے۔۔۔

ایمن خان
ایمن خان کے بال بہت لمبے تو نہیں لیکن زیادہ تر انہیں اپنے بالوں کو کھلا رکھنا ہی پسند ہے۔۔۔شادی والے دن ان کے بال بہت ہی زیادہ کس کر بنائے گئے تھے جو بہت لوگوں کو پسند آئے لیکن بہت سارے لوگوں کا ماننا تھا کہ جو بات ایمن کی کھلے بالوں میں ہے وہ بندھے ہوئے بالوں میں نہیں۔۔۔اور شاید ایمن کو بھی اس بات کا بخوبی اندازہ ہوگیا ہے اس لئے عید پر بھی وہ کھلے بالوں میں ہی نظر آئیں۔۔۔

صبور علی
سجل علی کے بال تو حسین ہیں ہی لیکن ان کی بہن صبو رعلی کے بال بھی انتہائی حسین اور چمکدار ہیں۔۔۔زیادہ تر شوز اور ڈراموں میں صبور کو بال کھولنا ہی پسند ہیں۔۔۔جہاں ضرورت ہوں وہاں باندھ بھی لیتی ہیں لیکن اگر آپ پسند پوچھیں گے تو صبور اپنے بالوں کو کھول دیں گی فوراً-

سبرین حسبانی
یوں تو اداکارہ سبرین حسبانی آج کل اسکرین سے دور ہیں لیکن ان کے کھلے بالوں والا چہرہ سب کو ہی پسند ہے۔۔۔کوینکہ ان کے کھلے بال بہت ہی حسین اور دلکش لگتے ہیں-

صنم بلوچ
سبرین کی بہن صنم بلوچ کو بھی بال کھولنے کا بہانہ چاہئے۔۔۔وہ مارننگ شو میں بھی بال کھولنا ہی پسند کرتی تھیں اور اکثر ڈراموں میں بھی آپ کو یہی نظر آئے گا-