|
شادی کا مطلب ہے خوشی ۔۔۔لیکن اگر اس زندگی میں خوشی کا کوئی نام و نشان
نہیں بلکہ دکھوں نے ڈیرے ڈال لئے ہیں۔۔۔محبت اور اعتماد کی موت ہو چکی ہے
تو پھر اس رشتے کی بھی موت ہو ہی جاتی ہے۔۔۔گلوکارہ صنم ماروی اپنی
پروفشینل زندگی میں انتہائی کامیابیاں سمیٹ رہی ہیں لیکن ذاتی زندگی میں
انہوں نے بہت تکالیف اور پریشانیاں اٹھائیں اور اٹھا رہی ہیں۔۔۔
صنم ماروی کی اپنے کزن حامد سے یہ دوسری شادی تھی ۔۔۔اور پہلی شادی سے ان
کی ایک بیٹی تھی جسے کچھ عرصہ کے لئے سسرال والوں نے اغواہ بھی کیا تھا اور
صنم ماروی نے وہ عرصہ بھی انتہائی دکھ اور پریشانی میں گزارا تھا۔۔۔حامد سے
شادی 2009 میں ہوئی اور اس شادی سے ان کے تین بیٹے پیدا ہوئے۔۔۔صنم ماروی
کے شوہر حامد سے بظاہر تو تمام معاملات صحیح لگتے تھے لیکن ایک فنکار کی
آنکھوں میں درد اور تکلیف صرف وہی دیکھ سکھتے تھے جن کو فنکار کی حساسیت کا
علم ہوتا ہے۔۔۔شادی شدہ زندگی کے گیارہ سالوں میں حامد کا رویہ صنم کے ساتھ
بدلتا گیا۔۔۔یہ وہ حامد تو نہیں تھا جس سے شادی ہوئی اور جو عمر بھر ساتھ
نبھانے کی باتیں کرتا تھا۔۔۔اس حامد کے مزاج سے تو صنم کی زندگی میں صرف
تلخیاں ہی بھرتی چلی گئیں۔۔۔
|