بچے کی موت کا بہت دکھ تھا لیکن کب تک روتا۔۔۔ستارے جن کے بچے دنیا سے چلے گئے تھے

اولاد ماں باپ کے جینے کا سہارا ہوتی ہے لیکن جب وہ ان کے جیتے جی اس دنیا سے چلی جائے تو ماں باپ کا جینا بہت مشکل ہوجاتا ہے۔۔۔لیکن ایسے کئی ستارے ہیں جنہوں نے اولاد کی موت کا صدمہ دیکھا۔۔کچھ سہہ گئے اور کچھ اپنے اندر ہی ختم ہوتے چلے گئے۔۔۔

طارق عزیز
کچھ دن پہلے ملک کا یہ نامور چہرہ طارق عزیز دنیا سے چلے سے گئے لیکن بہت کم لوگ جانتے ہیں کہ ان کا ایک بیٹا پیدا ہوا تھا جو پھر زندگی کی بازی ہار گیا تھا۔۔۔طارق عزیز کا کہنا تھا کہ دکھ تو بہت تھا لیکن کب تک بیوہ عورتوں کی طرح سوگ مناتا اس لئے زندگی کی طرف لوٹ آیا۔۔۔انہوں نے کہا کہ اس کے بعد میری اولاد نہیں ہوئی لیکن میں نے دوسری شادی کا نہیں سوچا۔۔۔کیونکہ میں نے اپنے دوستوں کو دو یا تین شادیاں کرکے وقت سے پہلے مرتے دیکھا ہے۔۔۔طارق عزیز نے اپنا تمام پیسہ پاکستان کے نام کردیا تھا۔۔۔

علی حیدر
گلوکار علی حیدر کی آواز ہمیں اس دور میں لے جاتی ہے جب کالج کی زندگی سب سے بہترین زندگی تھی اور وہ دوستیاں اور وہ محبتیں بھلائے نہیں بھولتے تھے۔۔۔لیکن یہ باکمال گلوکار ایک دن میوزک کی دنیا سے روٹھ گیا۔۔۔ولی حیدر کی پہلی بیٹی علیزے کے بعد ہوئی ان کے گھر میں بیٹے کی پیدائش۔۔۔پورا گھر بہت خوش تھا اور لگتا تھا کہ اب یہ فیملی مکمل ہوگئی لیکن خوشیوں کو نظر لگ گئی اور ننھا فرشتہ زندگی کی بازی ہار گیا۔۔۔علی حیدر کے اندر میوزک نے دم توڑ دیا۔۔۔وہ بہت تکلیف میں تھے اور پھر صوفی میوزک انہیں کافی عرصہ بعد زندگی کی طرف لے آئی۔۔۔

محسن عباس حیدر
میں اپنی بیٹی وینا کے ساتھ ہی ختم ہوگیا تھا۔۔۔یہ الفاظ ہیں گلوکار اور اداکار محسن عباس حیدر کے جن کے گھر میں پہلی بیٹی کی صورت میں جب خوشی آئی تو وہ ایک نئی زندگی کی طرف لوٹ آئے تھے۔۔۔اپنی ماں کے انتقال کے بعد انہیں وینا کی صورت میں کوئی خوشی ملی تھی لیکن یہ خوشی ایک رات دکھ میں بدل گئی جب بالکل صحت مند بچی اچانک ہی ہاتھوں سے نکلنے لگی۔۔۔وہ ہسپتال لے کر بھاگے، لیکن ننھی پری کچھ دیر بعد ہی خالق حقیقی سے جا ملی۔۔۔محسن عباس حیدر آج تک اس درد میں سفر کرتے ہیں۔۔۔اس کے بعد ان کا بیٹا بھی ہوا جو اب ان کی سابقہ بیوی کے پاس ہی ہے۔۔۔لیکن بیٹی کو بھلانا ان کے لئے ناممکن ہے۔۔۔