ایڈونچر کے شوقین افراد کے لیے دنیا کی طویل ترین لیکن خطرناک زپ لائن، ویڈیو

 
متحدہ عرب امارات اپنے پرکشش سیاحتی مقامات کی وجہ سے بےپناہ شہرت رکھتا ہے جن کی سیر کے لیے دنیا بھر کے مختلف ممالک سے سیاحوں کی بڑی تعداد یہاں کا رخ کرتی ہے-
 
اسی مناسبت سے ایڈونچر کے شوقین سیاحوں کی دلچسپی کے لیے دبئی سے ایک گھنٹے کے فاصلہ پر Ras Al Khaimah میں دنیا کی سب سے طویل ترین زپ لائن بھی واقع ہے-
 
Jebel Jais Flight نامی یہ زپ لائن 2.83 کلومیٹر طویل ہے اور یہ پیمائش 28 فٹبال گراؤنڈ کے سائز سے زائد کے برابر بنتی ہے- ریکارڈ شکن زپ لائن سطح سمندر سے 1680 میٹر کی بلندی پر واقع ہے اور Jebel Jais کے پہاڑوں کے درمیان سے گزرتی ہے۔
 
 
یہ خطرناک زپ لائن ہر عمر کے افراد کو خوش آمدید کہتی ہے لیکن خطروں سے کھیلنے والے ایڈونچر کے شوقین ان کھلاڑیوں کے لیے شرط ہے کہ ان کا وزن 45 کلوگرام سے لے کر 150 کلوگرام کے درمیان ہونا چاہیے جبکہ ان کا قد کم سے کم 120 سینٹی میٹر ہونا چاہیے-
 
زپ لائن کے سفر کی تیاری کے طور پر آغاز میں سیاحوں کو سب سے پہلے زپ لائن کِٹ پہنائی جاتی ہے اور ساتھ ہی انہیں حفاظتی تدابیر کے بارے میں آگاہ کیا جاتا ہے- اس کے بعد ان افراد کو زپ لائن کے لانچنگ پلیٹ فارم پر لے جایا جاتا ہے-
 
بلندی اور کھائیوں کی وجہ سے زپ لائن کا ڈیزائن بھی اچھے اچھوں کو خوف میں مبتلا کردیتا ہے- اس لیے یہ ایڈونچر سے بھرپور تفریح کمزور دل والوں کے بس کی بات نہیں-
 
اس زپ لائن کا 2.83 کلومیٹر کا طویل فاصلہ طے کرتے ہوئے آپ کی رفتار 120 کلومیٹر فی گھنٹہ ہوتی ہے جو کہ یقیناً بہت زیادہ ہے-
 
 
زپ لائن کے سفر کے دوران ایک اسٹیشن بھی آتا ہے جس پر آپ کچھ وقت کے لیے رکھتے ہیں- یہ اسٹیشن زمین سے 80 میٹر کی بلندی پر واقع ہوتا ہے اور اس کا فرش ٹرانسپیرنٹ ہوتا ہے-
 
اس اسٹیشن آپ دوبارہ سفر کا آغاز کرتے ہیں اور باقی 1 کلومیٹر کا فاصلہ طے کرنے کے بعد ہی آپ دوسری جانب پہاڑوں کی چوٹیوں پر اترتے ہیں-
 
ایڈونچر سے بھرپور اس سفر کے اختتام پر آپ کو ایک سرٹیفیکیٹ بھی فراہم کیا جاتا ہے-
Most Viewed (Last 30 Days | All Time)
04 Aug, 2020 Views: 3091

Comments

آپ کی رائے