|
|
کہتے ہیں شادی کا پہلا سال تو اتنا ارمانوں سے بھرا ہوتا ہے کہ اس میں ہر لمحہ ایک
نیا رنگ لاتا ہے خوشیوں سے بھرا۔۔۔جوڑے ایک دوسرے کی محبت میں ڈوبے ہوتے ہیں اور
دنیا میں رنگ صرف اپنے پارٹنر کے چہرے پر ہی نظر آتے ہیں۔۔۔شوبز میں ا یسے کئی
نوبیاہتا جوڑے ہیں جنہیں ایک دوسرے کے بنا کچھ دکھائی نہیں دیتا- |
|
سارہ خان اور فلک |
سارہ خان اور فلک کی جوڑی کو دیکھ کر یہ یقین ہی نہیں آتا کہ ان کے درمیان
تعلقات زیادہ پرانے نہیں۔۔۔یوں لگتا ہے کہ یہ رشتہ برسوں پرانا ہے بس ایک
دوسرے سے بندھنے کا وقت ابھی آیا ہے۔۔۔۔فلک کا بس چلے تو سارہ کو ایک لمحہ
بھی تنہا نہیں چھوڑیں۔۔۔حال ہی میں جب سارہ اپنی شوٹس پر واپس گئیں تو فلک
نے لیا پھولوں کا گلدستہ اور شوٹ پر پہنچ گئے۔۔۔دونوں کی رومانوی تصاویر نے
سوشل میڈیا پر دھوم مچائی اور سب نے مان لیا کہ یہ نوبیاہتا جوڑا ابھی محبت
کے نشے میں چور ہے۔۔۔ |
|
|
حنا الطاف اور آغا علی |
اداکارہ حنا الطاف اور آغا علی نے شادی کے دوسرے دن سے ہی تصاویر کی بھرمار
کردی۔۔۔ان کے ہر روز کی مصروفیات کا علم کچھ اس طرح رہنے لگا جیسے آغا اپنی
بیوی پر جلد کوئی کتاب لکھنے والے ہوں۔۔۔دونوں ایک دوسرے کی الماری سے لے
کر ایک دوسرے کے راز کھولنے تک دنیا کو بتانا چاہتے ہیں اور اس نوبیاہتا
جوڑے نے بھی اپنی محبت کو امر کرنے کی قسم کھائی ہے۔۔۔ایک شو میں جب یہ
دونوں مہمان آئے تو ایک گیم کے دوران یہ ثابت ہو اکہ آغا کو حنا سے زیادہ
ان کے بارے میں پتہ ہے اور وہ ان کے دل تک پہنچنا جانتے ہیں۔۔۔ |
|
|
ثمینہ احمد اور منظر صہبائی |
یوں تو ان کی شادی کو کچھ دن گزر گئے ہیں اور آہستہ آہستہ یہ شادی بھی کافی
وقت لے چکی ہے لیکن محبت کا پیمانہ ابھی بھی لبریز ہے اور رہے گا۔۔۔منظر
صہبائی اکثر اپنی بیوی کے ساتھ پیار کا اظہار کرتے ہی رہتے ہیں اور ان
دونوں کی جوڑی کو دیکھ کر محبت لفط سے بھی محبت ہوجاتی ہے۔۔۔اس نوبیاہتا
جوڑے کو انڈسٹری میں سب سے زیادہ پزیرائی اور محبت ملی۔۔۔ثمینہ احمد کو کئی
سال بعد ایک ایسا شخص مل ہی گیا جس نے نا صرف ان کی قدر کی بلکہ انہیں عمر
کے اس حصے میں بھی احساسات کی اس سرزمین پر لے گئے جہاں وہ اپنی پہلی شادی
کے وقت تھیں۔۔۔ |
|
|
اقراء اور یاسر |
اقراء کی چوٹی بنانے سے لے کر ان کے لئے کھانا بنا کر انہیں کھلانے تک ۔۔یاسر
نے ثابت کیا ہے کہ وہ ایک بہت محبت کرنے والے شوہر ہیں۔۔۔ان دونوں کی محبت
کا آغاز ہی سب کے سامنے ہوا جب ایک ایوارڈ کی تقریب میں یاسر نے اقراء کو
شادی کے لئے پرپوز کیا۔۔۔تو سوچئے کہ شادی کے بعد وہ اپنی محبت کے اظہار کے
لئے کیا نہیں کریں گے۔۔۔سوشل میڈیا پر روز کوئی نا کوئی پوسٹ ان دونوں کی
محبت کی کہانی سناتی ہے- |
|