|
|
|
|
|
شادی ایک مقدس فریضہ ہے اور ہمارے معاشرے میں اس فریضے کو نبھانے میں ایک بڑی رکاوٹ
جہیز بھی ہے۔۔۔والدین جہیز کا حساب کتاب ہی جوڑ رہے ہوتے ہیں کہ لڑکی کی عمر نکلنے
لگتی ہے اور پھر معاملہ جہیز سے نکل کر کمپرومائز پر چلا جاتا ہے۔۔۔لیکن شوبز
انڈسٹری میں ایسی کئی مثالیں ہیں جنہوں نے شادی میں جہیز نہ دے کر یا نہ لے کر یہ
ثابت کیا کہ اب وقت بدل رہا ہے۔۔۔ |
|
|
|
ثانیہ سعید |
|
اداکارہ ثانیہ سعید ایک ایسے گھرانے سے تعلق رکھتی ہیں جہاں والد ایکٹیوسٹ
اور والدہ ایک استاد ہیں۔۔۔ان کے گھر میں مرد اور عورت کی کوئی تفریق نہیں
تھی اور ثانیہ سعید کے والد ان کی بہت بڑی سپورٹ ہیں۔۔۔جب ثانیہ کی شادی کا
وقت آیا تو ان کی شادی اپنے دوست سے ہورہی تھی جو بچپن سے ساتھ کھیلے بڑے
ہوئے ۔۔۔اور گھر والوں کا بہت ملنا جلنا تھا۔۔۔لیکن بات جب جہیز کی آئی تو
اس کا کوئی ذکر نہیں ہوا۔۔۔ثانیہ کے والد نے بہت سادگی سے رخصتی کی جبکہ
ثانیہ ان کی اکلوتی بیٹی بھی ہیں اور وہ یہ سب کر سکتے تھے لیکن ایسی مثال
قائم نہیں کرنا چاہتے تھے جو معاشرے میں کوئی بری روایت قائم کرے۔۔۔ |
|
|
|
|
|
احد رضا میر |
|
احد رضا میر کی شادی یو اے ای میں منعقد ہوئی اور اس شادی میں بہت قریبی
لوگوں نے شرکت کی۔۔۔کیونکہ سجل علی سے ان کی محبت کی شادی تھی اس لئے یہ
کوئی مشکلات سے بھری شادی بھی نہیں تھی اور اس میں ذہنی اور باہمی ہم آہنگی
بھرپور تھی۔۔۔احد نے جہیز کے نام پر ایک آنہ بھی نہیں لیا بلکہ سجل علی کے
لئے شاندار انتظامات بھی کئے اور انہیں یوں محسوس کروایا جیسے وہ کوئی
شہزادی ہیں۔۔۔ |
|
|
|
|
|
فلک شبیر |
|
فلک شبیر اور سارہ خان کی شادی تو ہر زبان زد عام بنی ہے لیکن اس شادی کی
سب سے اہم بات فلک کی کچھ خاص ہدایات تھیں جن میں سے ایک جہیز کا نا ہونا
تھا۔۔۔فلک نے کہا کہ وہ چاہتے ہیں کہ انہیں سب سے قیمتی کچھ ملے اس گھر سے
اور وہ انہوں نے حاصل کرلیا تھا۔۔۔کیونکہ سارہ کے علاوہ انہیں اس گھر سے
کچھ نہیں چاہئے۔۔۔ |
|
|
|
|
|
منیب بٹ |
|
منیب بٹ ان لوگوں میں سے ہیں جنہوں نے جہیز کے خلاف سب سے زیادہ آواز
اٹھائی۔۔۔حالانکہ لوگوں نے کہا کہ انہوں نے شادی پر بہت پیسہ خرچ کیا اور
کروایا لیکن منیب کا کہنا ہے کہ یہ سچ نہیں۔۔۔پیسہ اتنا ہی خرچ ہوا جتنا
ضروری تھا۔۔۔منیب نے ایمن سے کوئی جہیز نا لیا اور نا ہی وہ اس کی حمایت
کرتے ہیں۔۔۔اور اب جبکہ وہ ایک بیٹی کے باپ ہیں تو ان کو اندازہ ہے کہ باپ
کے لئے سب سے بڑی دولت تو ہوتی ہی اس کی بیٹی ہے- |
|
|