|
|
کہتے ہیں کہ ڈرامہ معاشرتی حقیقتوں کی عکاسی ہوتا ہے اور موجودہ ڈراموں کو دیکھ کر
ایسا لگتا ہے کہ شاید یہ حقیقت سے بہت دور ہیں اور اگر یہ حقیقت ہے بھی تو اسے قبول
کرنے میں ہمیں بہت وقت ہے۔۔۔ |
|
ڈرامہ ’’پیار کے صدقے ــ‘‘ کی مہہ جبین کے کردار کو دیکھ کر بہت سارے لوگوں کا
ماننا تھا کہ یہ حقیقت میں ہو ہی نہیں سکتا۔۔۔لیکن کچھ دن قبل سوشل میڈیا پر ایک
ویڈیو وائرل ہوئی جس میں ایک بہت معصوم سی لڑکی اپنی خوشی کا اظہار کرتی ہے جب اسے
پبلک میں سے چنا جاتا ہے رائے کے لئے۔۔۔ |
|
|
|
وہ میزبان کو اپنے گھر کی باتیں بھی بتاتی ہے اور یہ بھی کہ کس طرح وہ خوش
ہے کہ اسے ٹی وی پر آنے کا موقع ملا۔۔۔حد تو یہ ہے کہ مہہ جبین کی طرح اسے
بھی پڑھائی سے کوئی شغف نہیں تھا۔۔۔ |
|
اس معصوم لڑکی کا نام نمرہ ہے اور اس ویڈیو کے بعد تو وہ واقعی سپر اسٹار
ہی بن گئی ہے کیونکہ اس نے اس ویڈیو میں کھل کر بتایا کہ میں نے یہی سوچا
تھا کہ کاش میں بھی کیمرہ میں آجاؤں اور میری خواہش پوری ہوگئی۔۔۔بار بار
بچوں کی طرح خوش ہوتی نمرہ کو عوام میں کافی پسندیدگی حاصل ہوگئی ہے۔۔۔ |
|
|
|
عوام کا یہ بھی کہنا ہے کہ لگتا ہے بہت جلد نمرہ کو ندا یاسر کے مارننگ شو
میں بھی دیکھا جائے گا اور پھر وہ وسیم بادامی کی رمضان ٹرانسمیشن کا بھی
حصہ بن سکتی ہیں۔۔۔کیونکہ سوشل میڈیا سے آگے آنے والوں لوگوں کو سب سے بڑی
سپورٹ عموما یہیں سے ملتی ہے- |