|
|
| |
| خوشی کا کس کو انتظار نہیں رہتا اور شوبز
انڈسٹری میں تو خوشی کئی روپ بدل کر اس مہینے آئی ہے۔۔۔ |
| |
| نعمان حبیب |
| زندگی میں ننھے مہمان کی آمد سب سے بڑی
خوشی ہوتی ہے اور یہ وہ خوشی ہے جس کا احساس ہر سننے والے کو محسوس ہوتا ہے
۔۔۔پچھلے دنوں شوبز انڈسٹری بھی ایسی کئی خوشی بھری آوازوں سے گونج اٹھی۔۔۔
اداکار نعمان حبیب کے گھر ایک بار رحمت کے دروازے کھل گئے جب ننھی زارا
نعمان کی پیدائش ہوئی۔۔۔بڑی بہن عائشہ نعمان بھی کافی خوش نظر آئیں لیکن
بابا کی خوشی کی تو کوئی انتہا ہی نہیں تھی۔۔نعمان حبیب نے اپنی دونوں
بیٹیوں کی تصاویر شیئر کیں اور لکھا میرے دو انمول رتن۔۔۔ان کی محبت ان کی
آنکھوں سے جھلک رہی تھی اور انڈسٹری میں ان کی خوشی کو کافی پسند بھی کیا
گیا اور لوگوں نے انہیں مبارکباد بھی دی۔۔۔جویریہ سعود اپنی پوری فیملی کے
ساتھ ننھی زارا کو دیکھنے پہنچیں ۔۔۔ |
|
|
| |
| آئمہ بیگ |
| گلوکارہ آئمہ بیگ خالہ بن گئیں اور انہوں
نے اپنے ننھے منے بھانجے کی تصویر شیئر کی جس میں وہ کافی خوش نظر آ رہی
ہیں اور انہوں نے اپنے بھانجے کا نام دایان رکھا ہے۔۔۔آئمہ بیگ یوں بھی
بچوں کو کافی پسند کرتی ہیں تو اب جبکہ گھر میں یہ ننھی خوشی آئی ہے تو
انہوں نے اپنے فینز کو بتانا ضروری سمجھا ۔۔۔پچھلے دنوں ایک شو میں انہوں
نے اپنی شادی کی خبر کو بھی سب کے سامنے ظاہر کر ہی دیا تھا تو لگتا ہے کہ
ایک اور خوشی ان کے گھر میں جلد ہی سنائی دے گی جب آئمہ دلہن بنیں گی- |
|
|
| |
| ہمایوں
سعید کے بھائی کی شادی |
| ایک اور خوشی انڈسٹری میں سنائی دی جب
ہمایوں سعید نے ایک تصویر شیئر کی اپنے بھائی سلمان سعید کی شادی کی۔۔۔اس
تقریب میں احمد علی بٹ، خلیل الرحمن قمر اور واسع چوہدری بھی موجود ہیں اور
ہمایوں سعید کی بھابھی بھی بہت پیاری ہیں ۔۔۔سلمان سعید کو حال ہی میں
ڈرامہ ’’میرا دل میرا دشمن‘‘ میں کافی پسند بھی کیا گیا جس میں وہ اپنے ہی
دوست کی بہن کو بھگا کر شادی کر لیتے ہیں۔۔۔لیکن اصلی زندگی میں انہوں نے
کم افراد کے ساتھ بھی دھوم دھام سے ہی شادی کی اور اپنے سب قریبی ساتھیوں
کو مدعو کیا- |
|
|