|
|
| |
| یہ حقیقت ہے کہ بہن بھائی ایک دوسرے کے لئے دھوپ چھاؤں
کی طرح ہوتے ہیں۔۔۔دونوں کا ایک دوسرے کے بغیر گزارا نہیں اور جب ساتھ ہوتے
ہیں تو بنتی بھی نہیں۔۔۔شوبز میں ایسی کئی اداکارائیں ہیں جو اپنے بھائیوں
پر فخر کرتی ہیں اور ان کے لاڈ اٹھاتی ہیں اور اٹھواتی بھی ہیں۔۔۔ |
| |
| سجل علی اور ان کے بھائی |
| سجل علی کے بارے میں کون نہیں جانتا کہ کس طرح محنت اور
دن رات کی جدوجہد سے انہوں نے اپنا ایک مقام بنایا اور اس مقام کو بنانے
میں ایک سوچ یہ بھی تھی کہ میرا بھائی بھی کسی مقام پر پہنچے اور اعلی
تعلیم حاصل کرے۔۔۔والدہ کے انتقال کے بعد سجل اور صبور نے اپنے چھوٹے بھائی
کو خود سے اور بھی قریب کرلیا اور ماں بن گئی ہیں لیکن بھائی بھی چھوٹا
صحیح جب بہنوں کے ساتھ ہوتا ہے تو ایسا ہی محسوس ہوتا ہے جیسے سب سے بڑا
سہارا ہے۔۔۔سجل کی پوری شادی میں ان کے بھائی نے یہ محسوس کروایا کہ وہ
زندگی بھر اپنی بہن کا ہاتھ نہیں چھوڑیں گے۔۔۔ |
|
|
| |
| عمیمہ ملک اور ان کے
بھائی |
| عمیمہ ملک کے بارے میں سب کو ہی پتہ ہے کہ وہ اپنے چھوٹے
بھائی فیروز کے لئے کس قدر حساس ہیں اور ان کی شادی سے لے کر ان کی زندگی
کے تمام معاملات سنبھالنے تک عمیمہ ہمیشہ آگے آگے رہتی ہیں لیکن جب وہ
کمزور پڑتی ہیں تو فیروز خان کے لئے جیسے کسی بڑے بھائی جیسا ہوجاتا ہے اور
انہیں یہی احساس دلاتا ہے کہ وہ ہے تو سب ٹھیک ہوجائے گا۔۔عمیمہ ملک اکثر
اپنے بھائی کی ایمانداری اور اس کی اچھی عادات کا تذکرہ کرتی ہیں ہر شو میں
اور ہمیشہ یہی کہتی ہیں کہ فیروز جیسا بھائی نصیب والوں کو ملتا ہے۔۔۔ |
|
|
| |
| عروہ کا بھائی |
| اداکارہ عروہ نے بھی کافی چھوٹی عمر سے ہی انڈسٹری میں
قدم رکھا اور ان کو دیکھتے ہوئے ان کی چھوٹی بہن ماورہ بھی اسی فیلڈ میں
آگئیں۔۔۔لیکن عروہ کے گھر کے ماحول میں کوئی فرق نہیں آیا۔۔۔خاص طور پر ان
بہن بھائیوں کی دوستی اور پیار میں تو کوئی بھی فرق نہیں آیا۔۔۔عروہ کے
چھوٹے بھائی آج بھی اسی طرح بڑا بڑا برتاؤ کرتے ہیں اور ان کے لاڈ کم اٹھتے
ہیں اور وہ اپنی بہنوں کے لاڈ زیادہ اٹھاتے ہیں۔۔۔ |
|
|