|
|
| |
| میاں بیوی کا رشتہ وقت کے ساتھ ساتھ اکثر یکسانیت کا
شکار ہوجاتا ہے اور گھر، بچے، حالات اسے دھندلا کرتے چلے جاتے ہیں۔۔۔لیکن
ضروری یہ ہے کہ اس رشتے کو کس طرح وقتا فوقتا زندگی کی طرف لایا جائے اور
ہمیشہ تروتازہ رکھا جائے۔۔۔اس کے لئے ضروری ہے بیگم کو وقت دینا اور ایک
دوسرے کے ساتھ اچھی یادیں ہر لمحہ بناتے جانا۔۔۔شوبز انڈسٹری میں کئی جوڑے
ایسے ہیں جن کی شادی وک ایک سال یا اس سے بھی زیادہ ہوگیا ہے لیکن وہ کوشش
کرتے ہیں کہ زندگی میں رنگ کبھی پھیکے نا پڑیں |
| |
| ایمن اور منیب |
| اتوار کو منیب نے اپنی بیگم ایمن کے ساتھ کچھ بہت
رومانٹک تصاویر شیئر کیں جس میں دونوں ساتھ کہیں ڈنر کرنے گئے ہیں اور ان
کا ایک دوسرے کی طرف پیار سے دیکھنا اس بات کا ثبوت ہے کہ وہ اپنے رشتے کو
ہر گزرتے دن کے ساتھ نیا اور مضبوط بنانا چاہتے ہیں۔۔۔منیب تو اس بات کا
کافی خیال رکھتے ہیں شادی کے بعد کہ شوٹ سے بھی گھر جلدی جائیں تاکہ بیگم
کو وقت دے سکیں ۔۔۔ |
|
|
| |
| فیصل قریشی اور ثنا فیصل |
| اداکار فیصل قریشی کی زندگی میں پہلے بھی دو بار شادی کی
خوشی آئی لیکن وہ نبھ نا پائی۔۔۔اس بار انہوں نے فیصلہ کیا کہ وہ اپنی بیوی
ثنا کو ہر قدم پر خوشی اور محبت کا بھرپور احساس دیں گے۔۔۔صرف یہی نہیں کہ
شادی کی سالگرہ یا بچوں کی سالگراہوں پر ان کی تصاویر محبت کی نمائش کرتی
نظر آئیں بلکہ تقریبا ہر دن وہ اپنے پیار کو زندگی دینے کا کوئی نا کوئی
بہانہ ڈھونڈ ہی لیتے ہیں۔۔۔فیصل قریشی اپنی بیگم کی محبت اور خلوص کی ہر
محفل میں لازمی تعریف کرتے ہیں اور کوشش کرتے ہیں کہ کم سے کم چھٹی کا دن
فیملی اور بیگم کے ساتھ ہی گزاریں۔۔ |
|
|
| |
| عاطف اسلم اور ان کی
بیگم سارہ |
| گلوکار عاطف اسلم نے جب اپنی محبت سے شادی کی تو اس وقت
بھی ان کے پیچھے دیوانی لڑکیوں کی کوئی کمی نا تھی لیکن انہوں نے جسے دل
دیا اس کی ہمیشہ قدر بھی کرتے ہیں اور ان کی آنکھوں میں اپنی بیوی کے لئے
محبت اور عزت کا طوفان ہمیشہ دکھائی دیتا ہے۔۔۔عاطف اسلم انہیں کسی بھی
مقام پر تنہا نہیں چھوڑتے اور بچوں کی دیکھ بھال سے لے کر شاپنگ تک میں ان
کا بھرپور ساتھ دیتے ہیں۔۔۔اکثر اوقات یہ میاں بیوی اپنی محبت کو زندگی
دینے کے لئے ساتھ کہیں نا کہیں ٹور پر جاتے ہیں ۔۔۔ |
|
|