|
|
|
|
|
شادی شدہ زندگی کے بعد ایک وقت آتا ہے جب انسان اس وقت کو یاد کرتا ہے جب
پہلی بار ملے تھے اور وقت نے کتنا کچھ زندگی میں بدل دیا ہے۔۔۔کچھ لوگ اس
وقت کی محبت کو بھلا کر زندگی کو اس حد تک نارمل کر لیتے ہیں کہ بیگم سے
مسکرا کر بات بھی نہیں کرتے۔۔۔لیکن کچھ لوگ اپنی محبت کو ہمیشہ ایسے قائم
رکھتے ہیں کہ ہر کوئی رشک کی نگاہ سے دیکھتا ہے۔۔۔شوبز میں بھی ایسے کچھ
ستارے ہیں جنہوں نے شادی کے ماہ و سال گزرنے کے باوجود اپنی محبت کی کہانی
میں کوئی دھند نہیں آنے دی۔۔۔ |
|
|
|
احسن خان |
|
احسن خان ایک ایسے اداکار اور میزبان ہیں جن کو دیکھتے ہی صرف مثبت خیال
آتا ہے۔۔۔وہ منفی کردار ڈراموں میں کریں بھی تو لوگ ان کے مثبت پہلوؤں کو
یاد رکھتے ہیں۔۔۔احسن خان کی شادی ان کی پڑوسن سے ہوئی۔۔۔دونوں نے ایک
دوسرے کو پسند کیا اور کچھ ہی عرصے میں بات بھی طے ہوگئی۔۔۔احسن کی بیگم
بھی ان کی طرح ایک خوش شکل خاتون ہیں اور اب دونوں کے تین بچے ہیں۔۔۔احسن
اپنی بیگم کے بہت بڑے فین ہیں اور ان کا کہنا ہے کہ میں آج بھی اپنی بیگم
کے لئے گاڑی کا دروازہ خود کھولتا ہوں۔۔۔میں نے بیماری میں بھی اس کا خیال
رکھنے کی پوری کوشش کی اور میں اپنی فیملی کو زیادہ سے زیادہ وقت اور توجہ
دینے کی کوشش کرتا ہوں۔۔۔ |
|
|
| |
| زاہد احمد |
| اداکار زاہد احمد نے شادی کے بعد بہت مشکل دن بھی گزارے
لیکن انہیں اس بات کا خیال ہے کہ ان کی بیوی نے بھی وہی دن ان کے ساتھ
دیکھے اور وہ اپنی بیوی کا بہت خیال رکھتے ہیں۔۔۔زندگی میں دو بچے بھی شامل
ہیں لیکن زاہد اپنی بیگم کو ہر مقام پر ساتھ رکھتے ہیں اور ان کی تعریف
کرتے ہیں۔۔۔ |
|
|
| |
| جنید خان |
| گلوکار اور اداکار جنید خان کی شادی مکمل ارینج تھی اور
ان کی خالہ نے اپنے کچھ ملنے والوں کی فیملی میں سے آمنہ کو ان کے لئے
ڈھونڈا۔۔۔جنید کا کہنا ہے کہ چند ملاقاتوں اور بات چیت کے بعد ہم ایک ہوئے
اور میں پوری کوشش کرتا ہوں کہ آمنہ کے ساتھ اور بچوں کے ساتھ زیادہ سے
زیادہ وقت گزاروں۔۔۔میں ایسا کوئی موقع نہیں آنے دیتا جب آمنہ کسی بھی قسم
کے شک یا محبت میں کمی کی شکایت کرے۔۔۔سوشل میڈیٰا سے فیملی کا واسطہ کم ہی
رکھتا ہوں کیونکہ اپنے اوپر ہر بات برداشت ہے لیکن فیملی پر نہیں۔۔۔ |
|
|