سچ تو یہ ہے (۳۳واں حصہ)

 منظر۲۳۲
عبدالحق۔۔۔اچھا امی پوری بتائیں وہ کیاہے
بشریٰ۔۔۔۔تمہارے لیے خوش خبری یہ ہے کہ میں نے تمہارے ابوسے کہا کہ ہمارے بیٹے کام کرتے رہتے ہیں کام کرتے رہتے ہیں تمہارے ابونے کہاتم کیاچاہتی ہومیں نے کہادونوں کودودن کے لیے سیرکرنے کے لیے بھیج دیں ۔تمہارے ابونے کہاٹھیک ہے۔ وہ تمہیں جمعرات کوکرایہ خرچہ دے دیں گے۔ تم جمعہ کے دن ناشتہ کرکے چلے جانااورہفتہ کوشام کے بعدگھرآنا
عارف۔۔۔۔۔ہمارے دودن ایسے ہی گزرجائیں گے
بشریٰ۔۔۔۔ز ندگی میں صرف پیسہ کمانا، ہروقت مزدوری کرناہی نہیں ہوتا
عبدالحق۔۔۔۔۔توکیاسیرکرنابھی زندگی کاحصہ ہے
بشریٰ۔۔۔۔ہاں یہ بھی زندگی کاحصہ ہے۔ سال میں نہیں توپانچ سال میں ایک بارسیرکرنے ضرورجاناچاہیے
عبدالحق۔۔۔۔طارق اورافضل کوبھی ساتھ لے جاتے ہیں
بشریٰ۔۔۔۔۔طارق توشہرمیں دکان کام کرتاہے افضل سکول جاتاہے ابھی تم دونوں چلے جاؤ پھرجب جاناتوسکول کی چھٹیوں میں چلے جانا اوران دونوں کوبھی ساتھ لے جانا۔
عارف۔۔۔۔۔ہم جائیں گے کہاں
بشریٰ۔۔۔۔۔یہ تم خودآپس میں مشورہ کرکے طے کرلو کہ کہاں کہاں جاناہے۔ تمہیں خرچہ بھی مل جائے گا اورکپڑوں کے دھلے ہوئے دودوسوٹ بھی ملیں گے۔
عبدالحق۔۔۔۔۔ٹھیک ہے ہم چلے جائیں گے
بشریٰ۔۔۔۔۔کرایہ خرچہ توتمہارے ابوتودیں گے ہی میں بھی اپنی طرف سے پانچ ہزارروپے دوں گی تاکہ سفرمیں تمہیں کوئی پریشانی نہ ہو
٭٭٭٭٭٭٭٭٭
منظر۲۳۳
عبدالمجید۔۔۔۔۔میں بچوں کوبھیک لینے کاعادی نہیں بناناچاہتا
کریم بخش۔۔۔۔۔یہ بھیک نہیں انعام ہے انعام لینے سے عزت بڑھتی ہے
عبدالمجید۔۔۔۔۔یہ فیصلہ میں کرسکتاہوں کہ میرے بچوں کے لیے کیااچھاہے اورکیااچھانہیں ہے
طارق ۔۔۔۔عبدالرحیم سے۔۔۔۔۔ابواورچچاکوباتیں کرنے دو آؤ ہم کھیلتے ہیں تمہارے کھیت دیکھتے ہیں
اس سے پہلے کہ عبدالرحیم کوئی جواب دیتا
عبدالمجید۔۔۔۔۔ان کوکھیلنے کی اجازت نہیں
کریم بخش۔۔۔۔۔چندمنٹ کھیل لیں گے توکیاہوجائے گا
عبدالمجید۔۔۔۔۔یہ آوارہ ہوجائیں گے
کریم بخش۔۔۔۔اس عمرمیں تمام بچے کھیلتے ہیں ہنسی مذاق کرتے ہیں
عبدالمجید۔۔۔۔۔میں بچوں کوکھیلنے نہیں دوں گا
عبدالمجید۔۔۔۔عبدالرحیم سے۔۔۔۔۔کھیتوں میں جاؤ کھال اورکیاروں میں جولکڑیاں ،گھاس اورجوکچھ بھی ہو اٹھاکرباہررکھ دو
افضل۔۔۔۔۔ہم بھی ان کے ساتھ جائیں گے
کریم بخش۔۔۔۔۔ٹھیک ہے چلے جاؤ جلدی واپس آنا
عبدالمجید۔۔۔۔۔یہ ساتھ نہیں جائیں گے جائیں تومیرے بچے ان کی باتوں میں آجائیں گے کام نہیں کریں گے احمدبخش ابھی نہیں آیا اس وقت توآجاتاتھا
اسی دوران ایک رکشہ اس کے گھرسے چندقدم کے فاصلے پرآکررکتاہے۔ رکشہ کی دونوں سائیڈوں پرسائیکل بندھے ہوئے ہیں۔ کریم بخش، عبدالمجیداوربچے رکشہ کودیکھنے لگ جاتے ہیں
کریم بخش۔۔۔۔لگتاہے تمہارے رشتہ دارآئے ہیں
عبدالمجید۔۔۔۔۔ہمارے رشتہ دارسائیکل توکبھی ساتھ نہیں لائے
٭٭٭٭٭٭٭٭٭
منظر۲۳۴
بشیراحمدریڑھی لے کرسڑک نماراستے پرجارہاہے۔ اسے راستے میں سعیداحمدمل جاتاہے۔ بشیراحمدریڑھی روک کرسعیداحمدسے پوچھتاہے کہاں جاناہے آپ نے آئیں ریڑھی پربیٹھیں سعیداحمدریڑھی پربیٹھ جاتاہے۔ بشیراحمدریڑھی کوچلاناشروع سعیداحمد۔۔۔۔آپ اس ریڑھی کی مزدوری سے گھرکے اخراجات کیسے پورے کرلیتے ہیں یااس کے علاوہ بھی کوئی آمدنی ہے
بشیراحمد۔۔۔۔کاشت کاری کرتاہوں اس کے علاوہ کوئی آمدنی نہیں ہے کاشت کاری سے سال بھرکی ضرورت کی گندم مل جاتی ہے۔ اس کے علاوہ اخراجات کے لیے اﷲ اس مزدوری کے وسیلے سے دے دیتاہے
سعیداحمد۔۔۔۔بچوں کی شادیاں کی ہیں یانہیں آپ کے کتنے بچے ہیں
بشیراحمد۔۔۔۔میرایک بیٹا اورایک بیٹی ہے
سعیداحمد۔۔۔۔۔بیٹاکیاکام کرتاہے
بشیراحمد۔۔۔۔درزیوں کاکام سیکھ رہاہے آپ کے کتنے بچے ہیں
سعیداحمد۔۔۔۔میرے دوبیٹے ہیں
بشیراحمد۔۔۔۔۔کیاکرتے ہیں
سعیداحمد۔۔۔۔بڑابیٹا رکشہ چلاتاہے اورچھوٹا بیٹا گھرمیں ہوتاہے
بشیراحمد۔۔۔۔کسی کی شادی بھی کی ہے یانہیں
سعیداحمد۔۔۔۔۔بڑے بیٹے کی شادی کرنے لگے تھے کہ اس نے ایسی بات کردی ہم اس میں الجھ کررہ گئے
بشیراحمد۔۔۔۔ایسی کیابات کہہ دی آپ کے بیٹے نے
سعیداحمد۔۔۔۔۔ہم نے اس سے کہا کہ تیری شادی کرنی ہے تورکشہ چھوڑ کرکوئی اورکام کرلے
بشیراحمد۔۔۔۔اس نے کیاکہا
سعیداحمد۔۔۔۔۔یہی توہمیں سمجھ میں نہیں آرہا
٭٭٭٭٭٭٭٭٭
منظر۲۳۵
کامران محمود، تنویراحمد، رب نوازاورناصراقبال شہرمیں کپڑوں کی دکان پربیٹھے ہیں۔ ایک لڑکاآکرپوچھتاہے آپ کوکون ساسوٹ لینا ہے
تنویراحمد۔۔۔۔۔ہم نے ساٹھ ساٹھ سوٹ بچوں اوربچیوں کے لیے، پچاس ،پچاس سوٹ لڑکوں اورلڑکیوں کے لیے اورچالیس چالیس سوٹ مردوں اورخواتین کے لیے خریدنے ہیں
لڑکادکاندارکوبتاتاہے
دکاندار۔۔۔۔متوجہ ہوکر۔۔۔۔کوئی شادی ہے کیا
ناصراقبال۔۔۔۔شادی نہیں ہے
دکاندار۔۔۔۔اتنے کپڑے توشادیوں والے ہی خریدتے ہیں
کامران محمود۔۔۔۔ہمیں کپڑاچیک کرائیں اورقیمت بھی بتائیں
دولڑکے مردانہ کپڑوں کے دس سے بارہ تھان ان کے سامنے پھیلادیتے ہیں چاروں افرادکپڑوں کے تھان چیک کررہے ہیں
دکان کالڑکا۔۔۔۔آپ ورائٹی پسندکریں جس رنگ میں کہوگے مل جائیں گے
چاروں افرادآپس میں مشورہ کررہے ہیں۔ کہ اس میں سے کون ساکپڑالیناچاہیے
کردیتاہے دونوں ریڑھی پرجارہے ہیں تنویراحمد۔۔۔۔چارورائٹیاں الگ کرکے۔۔۔۔۔لڑکے سے۔۔۔۔۔ان ورائٹیوں میں آپ کے پاس جتنے رنگ ہیں وہ لے آئیں
دکان کے دولڑکے کپڑوں کے باقی تھان لپیٹ لیتے ہیں۔ دواورلڑکے کامران محموداوراس کے ساتھیوں کے پسندکردہ ورائٹیوں میں مختلف رنگوں کے تھان لے آتے ہیں۔ تنویراحمداوراس کے ساتھی ہرورائٹی میں سے پانچ پانچ رنگ پسندکرتے ہیں
رب نواز۔۔۔۔اس میں سے ساٹھ سوٹ دے دو
دکان میں کام کرنے والالڑکا۔۔۔۔آپ نے توزیادہ سوٹ لینے تھے
ناصراقبال۔۔۔۔ہم باقی کپڑے کپڑوں کی دوسری دکانوں سے خریدیں گے
لڑکا۔۔۔۔وہ کیوں
تنویراحمد۔۔۔۔۔یہ ہمارافیصلہ ہے
٭٭٭٭٭٭٭٭٭
منظر۲۳۶
نورالعین کھیتوں میں چارہ کاٹنے کے بعدسانس لینے کے لیے بیٹھی ہے۔ اس کے ساتھ پانی کی بالٹی اورگلاس بھی پڑاہواہے۔ نورالعین گلاس میں پانی ڈال کرپینے لگتی ہے توبشریٰ آجاتی ہے۔
بشریٰ۔۔۔۔سلام دعاکے بعد۔۔۔۔نورالعین اتناچارہ تونے اتناچارہ کاٹ لیاہے
نورالعین۔۔۔۔ہاں کبھی کبھی اکیلے ہی کاٹناپڑتاہے آپ کے دیوراوربھتیجے توگھرمیں نہیں ہیں
بشریٰ۔۔۔۔۔یہ چارہ اٹھاکرکیسے لے جائے گی
نورالعین۔۔۔۔دوسے تین چکرمیں لے جاؤں گی
بشریٰ۔۔۔۔چارہ ادھررہنے دو گھرجاکرعبدالحق کوبھیج دیں گے وہ اٹھاکرلے آئے گا
نورالعین اوربشریٰ گھرکی طرف چل پڑتی ہیں
بشریٰ۔۔۔۔اس جمعہ کوطارق اورافضل کواپنے کسی رشتہ دارکے پاس بھیج دیں طارق وہاں سے دکان پرچلاجائے اورافضل سکول
نورالعین۔۔۔۔اس کی وجہ
بشریٰ۔۔۔۔۔میں بھی اپنے دونوں بیٹوں کودودون کے لیے بھیج رہی ہوں
نورالعین۔۔۔۔۔بچوں کوباہرکیوں بھیج رہی ہو
بشریٰ۔۔۔۔۔جمعہ کوہم نے رشتہ داروں کی دعوت کی ہے
نورالعین۔۔۔۔۔کیاعارف کی باتوں پرپھرسے غورہوگا
بشریٰ۔۔۔۔اس نے ثابت کردیاہے وہ جوکچھ کہہ رہاہے وہ درست کہہ رہاہے
نورالعین۔۔۔۔۔یہ بتانے کے لیے رشتہ داروں کی دعوت کررہی ہو
بشریٰ۔۔۔۔اس کے علاوہ بھی باتیں کرنی ہیں
گھرآجاتاہے نورالعین اجازت لینے لگتی ہے توبشریٰ کہتی ہے اس دعوت کے بارے میں بچوں کونہ بتانا
منظر۲۳۷
کریم بخش۔۔۔۔چل کردیکھتے ہیں کہ رکشے میں کون آیاہے
عبدالمجید۔۔۔۔۔کیاضرورت ہے جانے کی
کریم بخش کھڑاہوجاتاہے عبدالمجیدبیٹھاہے رکشہ میں سے تین لڑکے نکلتے ہیں۔ دولڑکوں نے احمدبخش کوسہارادیاہواہے۔
کریم بخش۔۔۔۔عبدالمجیدسے۔۔۔۔۔کون ہیں یہ لڑکے
عبدالمجید۔۔۔۔جس کوسہارادیاہواہے وہ میرابیٹاہے احمدبخش اورجن دولڑکوں نے سہارادیاہواہے وہ اس کے دوست عرفان اوراشرف ہیں۔
کریم بخش۔۔۔۔۔تیرابیٹاغنودگی کی حالت میں ہے وہ خودچل بھی نہیں سکتا اورتو ہے کہ آرام سے بیٹھاہے
عبدالمجید۔۔۔۔۔کچھ نہیں ہوااسے یہ بہانہ بنارہاہے
کریم بخش۔۔۔۔آوازدے کر۔۔۔۔اس کوہمارے پاس لے آؤ
رکشہ والارکشہ سے دونوں سائیکلیں اتارتاہے کپڑے سے رکشہ صاف کرتاہے اوراگلی سیٹ پربیٹھ جاتاہے۔وہ لڑکے احمدبخش کوکریم بخش اورعبدالمجیدکے پاس لے آتے ہیں۔آتے ہی اسے چارپائی پرسلادیتے ہیں۔
عبدالمجید۔۔۔۔احمدبخش سے۔۔۔۔اٹھ جا اٹھ جا یہ کون ساوقت ہے نیندکرنے کا
کریم بخش۔۔۔۔بچے کی حالت آپ کودکھائی نہیں دیتی جوتوغصہ کررہاہے
عبدالمجید۔۔۔۔۔کچھ نہیں ہوااسے
کریم بخش۔۔۔۔۔۔یہ بہانہ نہیں ہے
اسی دوران بشیراحمدبھی آجاتاہے اورپوچھتاہے کیاہوا اپنے بچے کو
کریم بخش۔۔۔۔۔بچے کی حالت آپ کے سامنے ہے آپ کے بھائی کہتے ہیں اس کوکچھ نہیں ہوا
بشیراحمد۔۔۔۔میں میری بیوی اور اس کی بیوی اسے باربارکہتے رہے بچے پراتنی سختی نہ کرے وہ بیمارہوجائے گا آج اس بچے کی حالت مجھ سے دیکھی نہیں جارہی
کریم بخش۔۔۔۔اسے ڈاکٹرکے پاس لے جائیں
بشیراحمد۔۔۔۔ہم پہلے مولوی صاحب کوبلوائیں گے ان سے مشورہ کریں گے کہ کیاکرناہے
کریم بخش۔۔۔۔مولوی صاحب کوکون لے آئے گا
بشیراحمد۔۔۔اشرف سے۔۔۔۔۔رکشہ والے سے کہو مولوی صاحب کولے آئے
اسی دوران فیاض بھی آجاتاہے
بشیراحمد۔۔۔۔فیاض سے۔۔۔۔۔رکشے پرچلے جاؤ مولوی صاحب کولے آؤ
اشرف۔۔۔۔اس کوکرایہ بھی دیناہے
کریم بخش۔۔۔۔مولوی صاحب کولے آئے گا توایک ساتھ دے دیں گے
فیاض رکشہ پربیٹھ کرمولوی صاحب کولینے چلاجاتاہے۔
٭٭٭٭٭٭٭٭٭