ابھی شادی کا کچھ پتہ نہیں ہے۔۔۔۔شوبز ستارے جن کی منگنیاں ہوئیں طویل

منگنی درحقیقت ایک ایسا وعدہ ہے جو کسی بھی جوڑے کے درمیان اس لئے ہوتا ہے تاکہ وہ ایک دوسرے کو اپنا نام دے کر شادی کے خوابوں کے سفر پر نکل جائیں لیکن جہاں منگنی کا عرصہ ہوا طویل وہیں کوئی نا کوئی مسائل درمیان میں آہی جاتے ہیں اور یا تو منگنی مزید مضبوط ہوجاتی ہے، یا شادی میں بدل نہیں پاتی یا پھر ٹوٹ بھی جاتی ہے۔۔۔شوبز میں کچھ منگنیاں کامیاب بھی رہیں اور کچھ ناکام اور کچھ ابھی تک سوالیہ نشان ہیں۔۔۔

ایمن اور منیب

چھے جنوری 2017 کو انڈسٹری کے دو پیارے سے لوگوں نے دھوم دھام سے منگنی کی اور پھر سب کو ہی انتظار تھا کہ اس جوڑی کی شادی کی خبر کب سامنے آئے گی۔۔۔دونوں کی محبت منگنی کے بعد مزید پروان چڑھی۔۔۔اکثر شوز میں ایمن نے منیب کے ساتھ آنا اس لئے بند کردیا کیونکہ ان کے والد کہتے تھے کہ اب شادی کا انتظار کرو۔۔۔کم ملو۔۔۔کم بات کرو۔۔۔تاکہ بعد میں ایک دوسرے کا احساس مزید بڑھے۔۔۔پھر تقریبا دو سال بعد یعنی 2018 کے آخری مہینوں میں یہ دونوں ایک ہوگئے اور ثابت کیا کہ منگنی نے ان کے رشتے کو مزید خوبصورت بنایا۔۔۔

جبران اور منشاء پاشا

جبران اور منشا پاشا کی منگنی کو ہوا تو ابھی صرف ایک سے سوا سال ہے لیکن ہر طرف یہی سوال ہے کہ آخر شادی میں دیر کس بات کی ہے۔۔۔جب دونوں خاندانوں میں بھی سب طے پا چکا ہے اور لڑکا لڑکی بھی کوئی کم عمر نہیں ۔۔۔اپنے اپنے میدان میں آگے بڑھ چکے ہیں اور ُہنی طور پر مکمل طریقے سے شادی کے لئے تیار ہیں تو دیر کیوں۔۔۔حالانکہ یہ دونوں ایک دوسرے کے بہت اچھے دوست بھی ہیں لیکن لوگ تو پھر بھی سوال کرتے ہیں۔۔۔

مومنہ مستحسن اور علی نقوی

گلوکارہ مومنہ مستحسن کی منگنی کچھ سال پہلے علی نقوی سے ہوئی تھی اور دو سال ہی گزرے تھے کہ ان دونوں کے درمیان دوریاں صرف فاصلوں کی نہیں بلکہ دلوں کی بھی ہونا شروع ہوگئیں۔۔۔ایک دوسرے سے محبت کے ساتھ ایک ہونے والی اس جوڑی نے دو سال بعد خاندان کی مشاورت کے ستاھ باقاعدہ اس منگنی کو ختم کردیا۔۔۔درمیان میں جب یہ باتیں اٹھیں تو مومنہ نے اس وقت منع کیا تھا لیکن بعد میں انہوں نے خود ایک پوسٹ میں اس بات کا اقرار کیا کہ یہ رشتہ چل نہیں پایا اور ختم ہوچکا ہے۔۔۔

شہریار منور اور ہالا سومرو

اداکار شہریار منور تو شوبز انڈسٹری کے چارمنگ ترین ستاروں میں سے ایک ہیں۔۔۔جب ان کی منگنی کی خبریں سنیں تو کئی دل ٹوٹے بھی تھے۔۔۔پھر لوگوں نے ان کی منگنی کو بے جوڑ بھی مانا لیکن ان کی منگنی ایک انتہائی قابل لڑکی سے ہوئی تھی۔۔۔شہریار کی والدہ کی پسند سے یہ رشتہ طے ہوا تھا اور ایک سال بھی یہ منگنی چل نہیں پائی۔۔۔شہریار کی والدہ نے خود ہی اس منگنی کو ختم کیا اور اب شہریار کا کہنا ہے کہ وہ اپنی پسند سے ہی شادی کریں گے ڈائریکٹ-