|
|
|
|
|
جہاں ایک جانب شوبز ستارے کے لیے سوشل میڈیا انتہائی ضروری ہوچکا ہے وہیں
دوسری طرف سوشل میڈیا صارفین بھی ان ستاروں کی پوسٹ پر بےپناہ کمنٹس کرتے
دکھائی دیتے ہیں جو کبھی تعریف پر مشتمل ہوتے ہیں تو کبھی تنقید پر- لیکن
چند شوبز ستارے ایسے بھی ہیں جن کو بہت زیادہ تنقید کا نشانہ بنایا جاتا ہے
یہاں تک کہ یہ کمنٹس ڈیلیٹ کرنے پر بھی مجبور ہوجاتے ہیں- |
|
|
|
وینا ملک |
|
وینا ملک شوبز انڈسٹری کی ایک متنازعہ شخصیت ہیں اور انہیں اکثر سوشل میڈیا
پر تنقید کا نشانہ بنایا جاتا ہے- بالخصوص جب سے انہوں نے سوشل میڈیا پر
سیاسی تبصرے کرنا شروع کیے ہیں تب سے ان پر تنقید کرنے والے صارفین کی
تعداد میں بھی اضافہ ہوگیا ہے- وینا کی وال تنقیدی تبصروں سے بھری رہتی ہے
جبکہ وینا اکثر اپنے انسٹا گرام اکاؤنٹ سے تنقیدی کمنٹس حذف بھی کرتی رہتی
ہیں- |
|
|
| |
| عامر لیاقت اور طوبیٰ
عامر |
| عامر لیاقت کا شمار ان شخصیات میں ہوتا ہے جنہوں نے بہت
کم عرضے میں بہت زیادہ شہرت حاصل کی- لیکن ان کی لیک ہونے والی چند ویڈیو
نے انہیں جلد ہی متنازعہ شخصیت بنا دیا- جس کے بعد سے ان کے ہر عمل پر ہی
تنقید ہوتی نظر آتی ہے- یہاں تک کہ جب عامر لیاقت نے طوبیٰ عامر سے دوسری
شادی کی اور پہلی بیوی کی طلاق دی تب بھی انہیں شدید تنقید کا نشانہ بنایا
گیا- |
|
|
| |
| یاسر حسین اور اقراﺀ
عزیز |
| یاسر حسین سوشل میڈیا پر کافی فعال ہیں اور یہی وجہ ہے
کہ وہ اپنے اوپر تنقید کرنے والوں کو بھرپور جواب دیتے بھی نظر آتے ہیں-
لیکن اس کے برعکس یاسر حسین کی اہلیہ اور اداکارہ اقراﺀ عزیز کچھ عرصہ قبل
تنقید سے گھبرا کر اپنا سوشل میڈیا اکاؤنٹ ایک بار بند بھی کر چکی ہیں-
تاہم اب استعمال تو کرتی ہیں لیکن انتہائی محدود انداز میں اور تبصروں کو
بھی محدود ہی رکھتی ہیں- |
|
|
| |
| ارمینہ رانا خان |
| ارمینہ رانا خان بھی اکثر سوشل میڈیا صارفین کی تنقید کی
زد میں رہتی ہیں- خاص طور پر ان پر اس وقت زیادہ تنقید ہوتی ہے جب وہ کسی
تنقیدی تبصرہ کرنے والے کو جواب دیتی ہیں- ارمینہ کو زیادہ تر ان کے لباس
کی وجہ سے تنقید کا نشانہ بنایا جاتا ہے- حال ہی میں جب انہوں نے اپنی ایک
تصویر سوشل میڈیا پر پوسٹ کی تو اس پر بھی ان کے لباس کو تنقید کو نشانہ
بناتے ہوئے انہیں قتل کی دھمکیاں بھی دی گئیں- جس کے بعد انہوں نے نہ صرف
وہ تصویر ڈیلیٹ کی بلکہ اپنی پوسٹ پر تبصرے کی سہولت بھی بند کر دی- |
|
|