|
|
ماں باپ کی آپس میں چاہے نا بنے لیکن بچوں کے لئے دونوں
ہی بہت اہم ہوتے ہیں۔ جب یہ دونوں جدا بھی ہوں تو بچوں کو ایک خلا محسوس
ہوتا ہے۔ اور سچ تو یہ ہے کہ کہیں نا کہیں تکلیف کی ایک ٹیس دونوں والدین
کے دل میں بھی اٹھتی ہے کہ ان کے بچے ان سے جدا ہیں یا اگر ساتھ ہیں تو ان
کی خوشی ادھوری ہے۔ |
|
محسن عباس حیدر |
لوگ ابھی تک اس لڑائی کو نہیں بھولے جو محسن عباس حیدر
اور ان کی سابقہ بیگم فاطمہ کے درمیان ہوئی۔ پھر اس لڑائی کا نتیجہ بھی
سامنے آیا اور فاطمہ بیٹے کے ساتھ الگ ہوگئی۔ اب وہ بچہ فاطمہ کے پاس ہی ہے
اور اس کے اخراجات محسن بھی ادا کرتے ہیں۔ لیکن اپنے بیٹے کی سالگرہ منانے
سے محسن اکیلے میں بھی نہیں چوکے۔ انہوں نے باقاعدہ اپنے بچے کے ساتھ
تصاویر شیئر کیں اور اس کا کیک اور سجاوٹ بھی دکھایا۔۔۔ |
|
|
وینا ملک |
وینا ملک اور اسد اب ایک ساتھ نہیں اور بچوں کا کیس بھی
ابھی تک چل رہا ہے۔ بچے وینا ملک نے اپنے پاس رکھے اور پھر اپنی بیٹی کی اس
دوران سالگرہ بھی منائی جس میں باپ کا کوئی سایہ نا تھا۔ اسد بچوں کی تڑپ
میں روتے رہے لیکن انہیں سالگرہ پر بھی بچے دیکھنے کو نا ملے۔ |
|
|
سائرہ یوسف |
سائرہ اور شہروز کی علیحدگی کے بعد نورے کی زندگی میں
اگر کوئی فرق آیا تو صرف یہ ہے کہ پہلے ایک ہی گھر میں ماں اور باپ میسر
تھے اور اب انہیں الگ الگ گھر جانا پڑتا ہے اپنی خوشیوں کو منانے کے لئے۔
سائرہ اپنی بیٹی کی سالگرہ الگ کرتی ہیں اور شہروز کے گھر میں یہ ایک الگ
طرح منائی جاتی ہے۔ |
|