|
|
| |
| کہتے ہیں دشمن تو کھل کر وار کرتا ہے لیکن سب سے خطرناک
دشمن وہ ہے جو دوست کے روپ میں آپ کی زندگی میں شامل ہو اور پھر اس کا دیا
گیا گھاؤ آپ کو نڈھال کردے۔۔۔کچھ ایسا ہی شوبز انڈسٹری میں بھی ہوتا ہے جب
گہرے دوست ایک دوسرے کے دشمن بنتے ہیں تو انتہائی مشکل وقت میں ان کا چہرہ
سامنے آتا ہے۔۔۔کبھی وہ غلط ہوتے ہیں تو کبھی ان کے دوست |
| |
| انوشے اشرف اور یاسر
حسین |
| انوشے اشرف اور یاسر حسین کی دوستی کافی عرصے سے تھی
لیکن اس دوستی نے ایک عجیب موڑ لیا جب یاسر حسین نے اپنے کسی پوسٹ میں ترکش
ڈرامے کو کچرا قرار دے دیا اور یہ جملے انوشے برداشت نہیں کر پائیں۔۔۔انہوں
نے کھل کر اپنی ایک پوسٹ میں یاسر کے اس عمل کی سرزنش کی اور یاسر نے اس کا
جواب دیا کہ یہ بات واٹس اپ بھی تو کرسکتی تھیں۔۔۔اس طرح عوام کے سامنے
کرنے کی کیا ضرورت تھی۔۔۔بات کا بتنگڑ بنا دیا۔۔۔اور انہوں نے انوشے کو
اپنی شہرت کی آگ سے ہاتھ گرم کرنے کا طعنہ بھی دیا جس نے انوشے کا دماغ ہی
گھما دیا۔۔۔انہوں نے صاف لکھا کہ یاسر میں کافی عرصے سے ہوں اور مجھے کوئی
ضرورت نہیں یہ سب کرنے کی۔۔۔لیکن کسی کو یہ پیغام مت پہنچاؤ کہ ہم پاکستانی
دل کے تنگ ہیں۔۔۔یاسر نے تو کھل کر یہ اعلان کردیا کہ یہ دوستی نہیں دشمنی
ہے |
|
|
| |
| نازش جہانگیر اور یشمہ
گل |
| یشمہ گل یوں تو کبھی اتنا کھل کر کسی کے لئے بات نہیں
کرتیں لیکن ایک زمانے میں ان کی بہترین دوستوں میں سے ایک تھیں نازش
جہانگیر اور جب محسن عباس حیدر اسکینڈل میں نام آیا نازش کا بھی تو اچانک
ہی یشمہ گل کا ایک لمبا چوڑا پوسٹ آگیا جس میں انہوں نے لکھا کہ مجھے نہیں
پتہ تھا کہ یہ اس حد تک گزر جائے گی۔۔۔یہ میری بہت اچھی دوست تھی اور اب
مجھے شرمندگی ہے کہ میں اسے اس وقت روک لیتی۔۔۔ |
|
|
| |
| سہیل حیدر اور محسن عباس
حیدر |
| محسن عباس حیدر نے ایک زمانے میں بہت مشکل وقت دیکھا جب
ان کا اور ان کی سابقہ بیوی کا جھگڑا دنیا کے سامنے آیا۔۔۔اور اس وقت بہت
سارے لوگوں نے محسن سے بات کرنا بند کردی اور ان پر تنقید کا آغاز
کیا۔۔۔انہی میں ایک تھے دعا ملک کے شوہر گلوکار سہیل حیدر۔۔یہ وہ شخص تھے
جن پر محسن اتنا اعتبار کرتے تھے کہ جب ہنی مون پر گئے تھے تب بھی ان کے
ساتھ ساتھ رہے۔۔۔لیکن سہیل نے کہا کہ فاطمہ کی باتوں میں سچائی ہے اور محسن
سے اس دور میں رابطہ ہی بند کردیا تھا |
|
|