اتنے نامی گرامی سلیبریٹی ہوکر ایک بچی پر انگلی اٹھاتے ہیں۔۔۔فیروز خان کا یاسر نواز پر افسوس

 
آج کل سوشل میڈیا پر روز کوئی نا کوئی گرما گرم خبر آتی ہے اور پھر اس کے پیچھے ساری دنیا لگ جاتی ہے۔۔۔مشہور زمانہ احسن خان کے شو ’’ٹائم آؤٹ ود احسن خان‘‘ میں پچھلے دنوں یاسر نواز اور ان کی بیگم ندا یاسر شامل ہوئے اور اس شو کو کافی پسند بھی کیا گیا۔۔کیونکہ یاسر اور ندا نے کافی کھل کر ایک دوسرے کے بارے میں بہت سارے رازوں سے پردہ اٹھایا۔۔۔لیکن ساتھ ہی ساتھ وہ کچھ ایسے الفاظ بھی ادا کرگئے جس کے بعد انہیں انڈسٹری سے تنقید کا سامنا کرنا پڑ رہا ہے۔۔۔
 
احسن خان نے جب یاسر نواز سے اپنے سیگمنٹ ’’جھوٹ کا جھٹکا‘‘ میں سوال پوچھا کہ کس کے ساتھ کام نہیں کرنا چاہیں گے تو انہوں نے بہت کھل کر کہا ’’علیزے شاہ‘‘۔۔۔انہوں نے صاف بتایا کہ علیزے شاہ کے ساتھ ڈرامہ کرتے ہوئے انہوں نے کانوں کو ہاتھ لگا لیا۔۔۔انہیں یہ آفر ہوئی تھی کہ ڈرامہ اچھا چل رہا ہے تو اس کی قسطیں بڑھوا لیتے ہیں لیکن یاسر نے کہا کہ میں نے کہا کہ چاہو تو قسطیں کم کردو لیکن میں کام نہیں کروں گا۔۔۔
 
 
ان کے اس کھلے بیان کے بعد اداکار فیروز خان نے جواب دینا اپنا فرض سمجھا اور بہت بڑے دل سے کہا کہ میں ہمیشہ علیزے شاہ کے ساتھ کام کرنا چاہوں گا۔۔کیونکہ وہ بغیر کسی میڈیا سپورٹ کے اس انڈسٹری میں اپنے قدم جما رہی ہے۔۔۔جب میں نیا تھا تو مجھے بھی بہت تنگ کیا گیا۔۔۔لیکن یاسر نواز جیسے نامی گرامی سلیبریٹی کو اس طرح کسی نئی بچی کا نام لے کر اسے برا نہیں بنانا چاہئے۔۔۔
 
انہوں نے کھل کر علیزے کے ساتھ دوبارہ کام کرنے کی خواہش بھی ظاہر کی۔۔۔
 
 
یہ سچ ہے کہ فیروز نے وہی کہا جو اس وقت کی ضرورت تھی لیکن یاسر نواز نے بھی شو میں اپنا تجربہ بیان کیا اور ضروری نہیں کہ اگر فیروز کے ساتھ کام کا تجربہ اچھا رہا ، تو سب کے ساتھ ہی رہے۔۔۔اس لئے سب کو حق ہے اپنے دل کی بات کہنے کا۔۔۔
Most Viewed (Last 30 Days | All Time)
03 Jun, 2021 Views: 30917

Comments

آپ کی رائے